Best FIFA Football Awards: ఉత్తమ ఆటగాడిగా లియోనెల్ మెస్సీ

వ్రాసిన వారు Jayachandra Akuri

Feb 28, 2023

12:29 pm

ఈ వార్తాకథనం ఏంటి

పారిస్ వేదికగా ఫెడరేషన్ ఇంటర్నేషనల్ ది ఫుట్‌బాల్ అసోసియేషన్ నిర్వహించిన బెస్ట్ ఫిఫా ఫుట్ బాల్ అవార్డ్స్ వేడుక వైభవంగా జరిగింది. అర్జెంటీనా ఫుట్‌బాల్ స్టార్ లియోనెల్ మెస్సీ కి బెస్ట్ మెన్స్ ప్లేయర్ కిరీటం వరించింది. ఇతర ఫైనలిస్టులు కరీమా బెంజెమా, కైలియన్ ఎంబాపేలను ఓడించి మెస్సీ ఈ అవార్డును అందుకున్నాడు. గతేడాది ఖతార్ వేదికగా జరిగిన ఫిఫా ప్రపంచ కప్‌ను అర్జెంటీనా గెలుచుకుంది. ఆ జట్టు కెప్టెన్ మెస్సీ కప్ గెలవడంలో కీలక పాత్ర పోషించాడు. ఫిఫా ప్రపంచకప్ పోటీల్లో మెస్సీ గోల్డెన్ బాల్ అవార్డును కూడా అందుకున్నాడు. ఫిఫా ప్రపంచకప్ లో మెస్సీ మొత్తం 7 గోల్స్ చేశాడు.

ఫిఫా

ఫిఫా అవార్డు విజేతలు వీరే

బెస్ట్ ఫిఫా ఉమెన్స్ గోల్ కీపర్: మేరీ ఇయర్ప్స్ (ఇంగ్లండ్, మాంచెస్టర్ యునైటెడ్) బెస్ట్ ఫిఫా పురుషుల గోల్ కీపర్: ఎమిలియానో మార్టినెజ్ (అర్జెంటీనా, ఆస్టన్ విల్లా) ఫిఫా పుస్కాస్ అవార్డు: మార్సిన్ ఒలెక్సీ ఉత్తమ మహిళా కోచ్: సరీనా విగ్మాన్ (ఇంగ్లండ్ మహిళల జాతీయ జట్టు కోచ్) ఉత్తమ పురుషుల కోచ్: లియోనెల్ స్కలోని (అర్జెంటీనా పురుషుల జట్టు కోచ్) ఫిఫా ఫెయిర్ ప్లే అవార్డు: లూకా లోచోష్విలి ఫిఫా ఫ్యాన్ అవార్డు: అర్జెంటీనా అభిమానులు బెస్ట్ ఫిఫా ఉమెన్స్ ప్లేయర్: అలెక్సియా పుటెల్లాస్ (స్పెయిన్, FC బార్సిలోనా) దబెస్ట్ ఫిఫా పురుషుల ప్లేయర్: లియోనెల్ మెస్సీ (అర్జెంటీనా, పారిస్ సెయింట్-జర్మైన్)