KKR - IPL: గంభీర్‌ స్థానంలో ఈ మాజీ ఆల్‌రౌండర్‌కు మెంటార్ గా ఛాన్స్‌!
గత ఐపీఎల్‌ విజేత కోల్‌కతా నైట్ రైడర్స్‌కు కొత్త సవాళ్లు ఎదురవుతున్నాయి. జట్టు మెంటార్‌గా వ్యవహరించిన గౌతమ్‌ గంభీర్‌ భారత జట్టుకు ప్రధాన కోచ్‌గా నియమించబడగా, సహాయ కోచ్‌లు అభిషేక్ నాయర్, రైన్ టెన్ దస్కటే కూడా టీమ్‌ ఇండియాతో చేరారు. ఈ పరిస్థితుల్లో, కేకేఆర్‌ కొత్త కోచింగ్‌ బృందం, మెంటార్‌ను ఎంచుకోవాల్సిన అవసరం ఏర్పడింది. ఇప్పటికే లఖ్‌నవూ, రాజస్థాన్‌ వంటి ఇతర ఫ్రాంచైజీలు తమ కొత్త మెంటార్‌లను ప్రకటించగా, కోల్‌కతా తన కొత్త మెంటార్ కోసం అన్వేషణలో ఉంది.
కోల్‌కతా మెంటార్ రేసులో పాంటింగ్‌, సంగక్కర
ఇప్పటికే మాజీ కెప్టెన్లు రికీ పాంటింగ్‌, కుమార సంగక్కర కోల్‌కతా మెంటార్ రేసులో ఉన్నారని వార్తలు వచ్చాయి. అయితే ఇప్పుడు కొత్త విశ్లేషణల ప్రకారం, కేకేఆర్‌ మాజీ ఆల్‌రౌండర్‌ జాక్వెస్ కలిస్‌ను మెంటార్‌గా నియమించుకునే అవకాశాలు ఉన్నాయి. 2015లో కేకేఆర్‌ ప్రధాన కోచ్‌గా, బ్యాటింగ్‌ కన్సల్టెంట్‌గా పనిచేసిన కలిస్‌ గంభీర్‌ నాయకత్వంలో 2012, 2014లో టైటిళ్లను సాధించిన జట్టు సభ్యుడు కూడా. మరోవైపు, దిల్లీ జట్టుకు ప్రధాన కోచ్‌గా సేవలందించిన రికీ పాంటింగ్‌,రాజస్థాన్‌ రాయల్స్‌ క్రికెట్ డైరెక్టర్‌ కుమార సంగక్కర కూడా ఈ స్థానానికి పోటీగా ఉన్నారని సమాచారం.
