Frank Nsubuga: టీ20 ప్రపంచకప్‌లో చరిత్ర సృష్టించిన ఉగాండా బౌలర్..
4 ఓవర్లు, 2 మేడిన్ లు , 4 పరుగులు, 2 వికెట్లు.. ఏ బౌలర్‌కైనా ఈ గణాంకాలు చూస్తే, ఇది టెస్ట్ క్రికెట్ స్పెల్ అని మీకు ఖచ్చితంగా అనిపిస్తుంది. అయితే ఇవి టి20 మ్యాచ్‌ల గణాంకాలు అని మీకు చెబితే.. మీరు ఏమి నమ్మగలరా? బహుశా నమ్మకపోవచ్చ్చు,కానీ అలాంటి ఘనతను ఉగాండాకు చెందిన 43 ఏళ్ల ఫ్రాంక్ న్సుబుగా సాధించాడు. ఈ లెఫ్టార్మ్ ఫింగర్ స్పిన్నర్ పాపువా న్యూ గినియాతో జరిగిన T20 వరల్డ్ కప్‌లోని 9వ మ్యాచ్‌లో ఈ అద్భుత స్పెల్ చేశాడు. అతని అద్భుతమైన బౌలింగ్‌తో ఉగాండా 3 వికెట్ల తేడాతో విజయం సాధించింది.
టీ20 ప్రపంచకప్‌లో చరిత్ర
43 ఏళ్ల ఫ్రాంక్ న్సుబుగా తన స్పెల్‌తో టీ20 ప్రపంచకప్‌లో చరిత్ర సృష్టించాడు. 4 ఓవర్ల కోటాను పూర్తి చేసిన బౌలర్ల జాబితాలో అత్యల్ప పరుగులు ఇచ్చిన బౌలర్‌గా నిలిచాడు. ఇటీవలే శ్రీలంకపై దక్షిణాఫ్రికాకు చెందిన ఎన్రిక్ నోర్కియాన్ ఈ రికార్డును తన పేరిట లిఖించుకున్నాడు. ఆ మ్యాచ్‌లో నార్కియా కేవలం 7 పరుగులు మాత్రమే ఇచ్చి 4 వికెట్లు తీశాడు, అయితే ఇప్పుడు కొద్ది రోజుల్లోనే ఫ్రాంక్ న్సుబుగా అతని రికార్డును బద్దలు కొట్టాడు.
టీ20 క్రికెట్‌లో 4 ఓవర్ల స్పెల్‌లో అతి తక్కువ పరుగులు ఇచ్చిన బౌలర్-
4 - ఫ్రాంక్ న్సుబుగా vs PNG, 2024* 7 - అన్రిచ్ నోర్ట్జే vs శ్రీలంక, 2024 8 - అజంతా మెండిస్ vs జింబాబ్వే, 2012 8 - మహ్మదుల్లా vs ఆఫ్ఘనిస్తాన్, 2014 8 - వనిందు హసరంగా vs UAE, 2022
పపువా న్యూ గినియా వర్సెస్ ఉగాండా మ్యాచ్ ఎలా జరిగింది?
టాస్ గెలిచి ముందుగా బౌలింగ్ ఎంచుకున్న ఉగాండా పిఎన్‌జిని కేవలం 77 పరుగులకే ఆలౌట్ చేసింది. కెప్టెన్ బ్రియాన్ మసాబా మినహా మిగతా బౌలర్లందరూ 2-2 వికెట్లు తీశారు. ఈ స్కోరును ఛేదించేందుకు వచ్చిన ఉగాండా జట్టుకు శుభారంభం దక్కలేదు. పవర్‌ప్లేలో టీం 25 పరుగులకే 4 వికెట్లు కోల్పోయింది. అయితే, దీని తర్వాత రియాజత్ అలీ షా 56 బంతుల్లో 33 పరుగుల ఇన్నింగ్స్ ఆడి జట్టును విజయతీరాలకు చేర్చాడు. ఈ ఇన్నింగ్స్‌కు అతను ప్లేయర్ ఆఫ్ ద మ్యాచ్ అవార్డును అందుకున్నాడు.
