Varun Chakravarthy: వరుణ్ చక్రవర్తికి బిగ్ షాక్ ఇచ్చిన బీసీసీఐ
ఈ వార్తాకథనం ఏంటి
ఐపీఎల్ 2025లో బుధవారం రాత్రి జరిగిన కీలక పోరులో, ఐదు సార్లు విజేతగా నిలిచిన చెన్నై సూపర్ కింగ్స్ (CSK) జట్టు, డిఫెండింగ్ ఛాంపియన్ కోల్‌కతా నైట్ రైడర్స్ (KKR)ను ఓడించింది. ఈ విజయం ద్వారా చెన్నై తమ ప్లేఆఫ్ అవకాశాలను బలపరిచింది, అదే సమయంలో కోల్‌కతాకు మరో ఎదురుదెబ్బ తగిలింది. కాగా, ఈ మ్యాచ్‌లో బౌలింగ్‌లో మెరిసిన కేకేఆర్ స్పిన్నర్ వరుణ్ చక్రవర్తికి భారత క్రికెట్ నియంత్రణ మండలి (BCCI)జరిమానా విధించింది.
వివరాలు
నిబంధనలు అతిక్రమించిన వరుణ్‌కు జరిమానా
ఈ మ్యాచ్‌లో కోల్‌కతా తరఫున బౌలింగ్ చేసిన వరుణ్ చక్రవర్తి ఐపీఎల్ ప్రవర్తనా నియమాల్ని ఉల్లంఘించినట్టు తేలడంతో, బీసీసీఐ అతనిపై చర్య తీసుకుంది. ఐపీఎల్ ప్రకారం, వరుణ్ తన నేరాన్ని అంగీకరించడంతో లెవెల్ 1 నిబంధనల ప్రకారం అతనికి మ్యాచ్ ఫీజులో 25 శాతం జరిమానా విధించడంతో పాటు, ఒక డీమెరిట్ పాయింట్‌ కూడా జత చేశారు. వరుణ్ చక్రవర్తి చెన్నైపై ప్రభావవంతమైన బౌలింగ్ చేశాడు. అతను 4 ఓవర్లలో కేవలం 18 పరుగులే ఇచ్చి, రెండు కీలక వికెట్లను తీసాడు. అయితే, అతని ప్రదర్శన కేకేఆర్ విజయాన్ని ఖాయం చేయలేకపోయింది.
వివరాలు
ఉత్కంఠభరిత పోరులో చెన్నై విజయం
ఈ మ్యాచ్‌లో మొదట బ్యాటింగ్ చేసిన కోల్‌కతా, నిర్ణీత 20 ఓవర్లలో 6 వికెట్లు కోల్పోయి 179 పరుగులు చేసింది. అనంతరం లక్ష్యఛేదనలో చెన్నై సూపర్ కింగ్స్ 19.4 ఓవర్లలో 8 వికెట్లు కోల్పోయి విజయాన్ని అందుకుంది. ఈ గెలుపులో నూర్ అహ్మద్ కీలక పాత్ర పోషించాడు. అతను అత్యుత్తమ బౌలింగ్ ప్రదర్శనతో నాలుగు వికెట్లు తీసి "ప్లేయర్ ఆఫ్ ది మ్యాచ్"గా నిలిచాడు.