Italy: కూతురిని చంపిన పాక్ దంపతులకు జీవిత ఖైదు
ఈ వార్తాకథనం ఏంటి
2021లో తమ కూతురు నిశ్చితార్థం చేసుకున్న వివాహానికి నిరాకరించినందుకు ఆమెను హత్య చేసిన పాకిస్థానీ దంపతులకు ఇటలీ కోర్టు మంగళవారం జీవిత ఖైదు విధించింది.
సమన్ అబ్బాస్(18),బోలోగ్నా సమీపంలోని నోవెల్లారాలో నివసిస్తున్నారు. ఆమె మే 2021లో కనిపించకుండా పోయింది.
గత సంవత్సరం ఆమె పాకిస్తాన్‌లోని బంధువును వివాహం చేసుకోవాలని ఆమె కుటుంబం కోరడంతో ఆమె దానికి తిరస్కరించింది.
సెంట్రల్ ఇటలీలోని రెజియో ఎమిలియాలోని ట్రిబ్యునల్ తల్లిదండ్రులే హత్యకు ఆదేశించడంతో , మేనమామ తన మేనకోడలిని గొంతు కోసి చంపాడని తీర్పునిచ్చింది.
దేశాన్ని దిగ్భ్రాంతికి గురిచేసిన వ్యవహారంలో ఇద్దరు బంధువులు నిర్దోషులుగా విడుదల కాగా, బేరసారాన్ని అంగీకరించిన తర్వాత మామకు 14 సంవత్సరాల శిక్ష విధించబడింది.
Details
ఇంటి నుండి బయటకు వెళ్లిన వెంటనే అబ్బాస్ అదృశ్యం
అబ్బాస్ ఆమె తల్లిదండ్రులపై పోలీసులకు ఫిర్యాదు చేసింది. సామాజిక కార్యకర్తలు ఆమెను నవంబర్ 2020లో ఆశ్రయంలో ఉంచారు.
కానీ ఆమె ఏప్రిల్ 2021లో తన ఇంటికి వెళ్లి తన పాస్‌పోర్ట్‌ని తీసుకొని తన కుటుంబం అంగీకరించని తన ప్రియుడితో కొత్త జీవితాన్ని ప్రారంభించాలని ప్లాన్ చేసింది.
ఇంటి నుండి బయటకు వెళ్లిన వెంటనే ఆమె అదృశ్యమైంది. ప్రియుడి ఫిర్యాదుతో అప్రమత్తమైన పోలీసులు, మేలో ఆమె ఇంటికి వెళ్లారు. కాని ఆమె తల్లిదండ్రులు అప్పటికే పాకిస్థాన్ కు వెళ్లిపోయారు.
సిసి కెమెరా ఫుటేజ్ పరిశీలించిన పోలీసులకు అందులో ఐదుగురు వ్యక్తులు గడ్డపారలు,బకెట్లతో ఆమె ఇంటి నుండి పారిపోతున్నట్లు రికార్డు అయింది.
Details
ఇప్పటికి పరారీలో ఉన్న సమన్ అబ్బాస్ తల్లి
ఒక సంవత్సరం తర్వాత అబ్బాస్ మృతదేహం పాడుబడిన ఫామ్‌హౌస్‌లో మెడ విరిగిన స్థితిలో కనిపించింది.
హత్య గురించి తన తండ్రి మాట్లాడడం తాను విన్నానని, తన సోదరిని చంపింది మామ అని ఆమె సోదరుడు పోలీసులకు చెప్పాడు.
తండ్రి షబ్బర్ అబ్బాస్‌ను పాకిస్థాన్‌లో అరెస్టు చేసి 2023 ఆగస్టులో ఇటలీకి రప్పించారు పోలీసులు.
మేనమామ డానిష్ హస్నైన్‌ను, ఫ్రెంచ్ అధికారులు అరెస్ట్ చెయ్యగా , దాయాదులను స్పెయిన్‌లో అరెస్టు చేశారు.
నలుగురు వ్యక్తులు విచారణకు హాజరయ్యారు. కానీ,సమన్ అబ్బాస్ తల్లి నాజియా షాహీన్ ఇప్పటికీ పరారీలోనే ఉంది.