Reciprocal tariffs: అమెరికా 27శాతం సుంకాలు.. వాణిజ్యశాఖ అధికారిక స్పందన!
ఈ వార్తాకథనం ఏంటి
భారత్‌పై అమెరికా 27శాతం సుంకాలు విధించిన అంశంపై వాణిజ్య శాఖ అధికారికంగా స్పందించింది. ఈ సుంకాల వల్ల ఏర్పడే పరిణామాలను నిశితంగా గమనిస్తున్నామని, పారిశ్రామిక వర్గాలతో పాటు అన్ని భాగస్వామ్య పక్షాల నుంచి అభిప్రాయాలను స్వీకరిస్తున్నామని తెలిపింది. అదేవిధంగా అమెరికా వాణిజ్య విధానంలో చోటుచేసుకున్న తాజా మార్పుల వల్ల కలిగే ప్రయోజనాలను కూడా అంచనా వేస్తున్నామని వెల్లడించింది. భారత్‌ సహా ప్రపంచ దేశాలపై అమెరికా అధ్యక్షుడు డొనాల్డ్ ట్రంప్ భారీగా సుంకాలు విధించారు.
Details
10 నుంచి 50శాతం మేరకు సుంకాలు
ప్రత్యర్థి, మిత్ర దేశాల తేడా లేకుండా దాదాపు అన్ని దేశాలపై 10 నుంచి 50 శాతం మేరకు సుంకాలను ప్రకటించారు. దీనిపై ఆయా దేశాలు అప్రయత్నంగా స్పందిస్తున్నాయి. ట్రంప్ నిర్ణయం ఏకపక్షంగా ఉందని, వీటిని తీవ్రంగా వ్యతిరేకిస్తున్నామని చైనా వంటి దేశాలు పేర్కొన్నాయి. యూరోపియన్ యూనియన్ (ఈయూ) కూడా దీన్ని తీవ్రంగా వ్యతిరేకిస్తోంది. ఈ సమస్యను చర్చల ద్వారా పరిష్కరించుకోవడానికి సిద్ధంగా ఉన్నామని పేర్కొంది.