ఆస్ట్రేలియాలో కుప్పకూలిన మిలటరీ హెలికాప్టర్.. నలుగురు గల్లంతు
ఈ వార్తాకథనం ఏంటి
ఆస్ట్రేలియన్ మిలటరీ హెలికాప్టర్ కుప్పకూలిన ఘటనలో నలుగురు గల్లంతయ్యారు. ఆస్ట్రేలియా దేశంలోని ఈశాన్యతీరంలో సైనిక విన్యాసాలు చేస్తుండగా ఈ ఘటన చోటు చేసుకుంది.
ఈ ప్రమాదంలో ఆర్మీ హెలికాప్టర్ నీటిలో మునిగిపోయింది. ఈ ప్రమాదంలో నలుగురు ఎయిర్ క్రూ సిబ్బంది అదృశ్యమయ్యారని ఆస్ట్రేలియా రక్షణశాఖ మంత్రి రిచర్ట్ మార్లెస్ శనివారం తెలిపారు.
శుక్రవారం అర్ధరాత్రి క్వీన్స్ లాండ్‌లోని హామిల్టన్ ద్వీపంలో సైనిక విన్యాసాలు చేస్తుండగా హెలికాప్టర్ కూలిపోయింది.
నలుగరు గల్లంతైన సమాచారాన్ని వారి కుటంబాలకు తెలియజేశామని అధికారులు తెలిపారు.
Details
గల్లంతైనా వారి కోసం గాలింపు చర్యలు
ప్రస్తుతం గల్లంతైన వారి కోసం గాలిస్తున్నామని అధికారులు తెలిపారు.
రెండు వారాలుగా జరుగుతున్న ఈ సైనిక విన్యాసాల్లో జపాన్, ఫ్రాన్స్, జర్మనీ, దక్షిణ కొరియా దేశాలు కూడా పాల్గొంటున్నాయి.
చైనా నుంచి ముప్పు పొంచి ఉండటంతో ఆస్ట్రేలియా తన సాయుధ బలగాల సామర్థ్యాన్ని పెంచుకుంటున్నది.
ఈ నేపథ్యంలో తన మిత్రదేశాలతో కలిసి తరుచూ ఆస్ట్రేలియా సైనిక విన్యాసాలను నిర్వహిస్తోంది.