Indonesia: నికెల్ ప్రాసెసింగ్ ప్లాంట్‌లో పేలుడు.. 13 మంది మృతి, 46 మందికి తీవ్ర గాయాలు
ఈ వార్తాకథనం ఏంటి
తూర్పు ఇండోనేషియాలోని చైనా యాజమాన్యంలోని నికెల్ ప్రాసెసింగ్ ప్లాంట్‌లో ఆదివారం జరిగిన పేలుడులో కనీసం 13 మంది ప్రాణాలు కోల్పోగా, 46 మందికి తీవ్ర గాయాలయ్యాయి.
సెంట్రల్ సులవేసి ప్రావిన్స్‌లోని మొరోవాలి ఇండస్ట్రియల్ పార్క్‌లోని పిటి ఇండోనేషియా టింగ్షాన్ స్టెయిన్‌లెస్ స్టీల్ యాజమాన్యంలోని ప్లాంట్‌లో ఆదివారం ఉదయం 5:30 గంటలకు (స్థానిక కాలమానం) ఈ దుర్ఘటన చోటుచేసుకుంది.
గార్డియన్ నివేదించిన ప్రకారం,కొలిమిలో ప్రస్తుతం మరమ్మత్తు పనులు జరుగుతున్నాయని, కొలిమి దిగువ భాగంలో పేలిపోయే స్వభావం గల ద్రవాల వద్ద అగ్నికీలలు వ్యాపించాయి.
ఆ తరువాత సమీపంలోని ఆక్సిజన్ సీలిండర్లు పేలిపోయినట్లు కంపెనీ ఓ ప్రకటన విడుదల చేసింది.
Details
కొలిమి కూలిపోయి, కర్మాగారం భవనం పక్క గోడలు ధ్వంసం
మరణించిన వారిలో తొమ్మిది మంది ఇండోనేషియా కార్మికులు కాగా నలుగురు చైనా కార్మికులు ఉన్నారు.
వేడి ఆవిరికి గురికావడం వల్ల మరో 46 మంది గాయపడ్డారని సెంట్రల్ సులవేసి పోలీసు విభాగం అధిపతి అగస్‌ నుగ్రోహో తెలిపారు.
ప్రాథమిక దర్యాప్తు ప్రకారం, కొలిమిలో మరమ్మత్తు పనులు జరుగుతుండగా ఆత్యంత తీవ్రతతో కూడిన పేలుడు సంభవించడంతో ఏకంగా కొలిమి కూలిపోయి, కర్మాగారం భవనం పక్క గోడలు ధ్వంసమయ్యాయని పోలీసు విభాగం అధిపతి వివరించారు.
అగ్నిమాపక సిబ్బంది శ్రమించి మంటలను అదుపులోకి తెచ్చారు. ఇండస్ట్రియల్ పార్కును నడుపుతున్న సంస్థ ఈ విపత్తు పట్ల తీవ్ర విచారం వ్యక్తం చేసింది.