కారణం చెప్పకుండానే.. భారత్‌తో వాణిజ్య చర్చలను నిలివేసిన కెనడా
ఈ వార్తాకథనం ఏంటి
జీ20 సదస్సు ముంగిట కెనడా కీలక ప్రకటన చేసింది. భారత్‌తో ప్రతిపాదిత వాణిజ్య ఒప్పందం కోసం జరుగుతున్న చర్చలను నిలిపివేస్తున్నట్లు ప్రకటించింది.
2023లో ప్రాథమిక ఒప్పందాన్ని ఖరారు చేయాలని అనుకున్న మూడు నెలల తర్వాత ఇరు దేశాలు ఈ నిర్ణయం తీసుకోవడం గమనార్హం.
కెనడా-భారతదేశం వాణిజ్య చర్చల ప్రతిపాదన 2010 నుంచి కొనసాగుతోంది. అయితే 2022లో ఇరు దేశాల మధ్య వాణిజ్య చర్చలు అధికారికంగా ప్రారంభమయ్యాయి.
కెనడా ప్రధాని జస్టిన్ ట్రూడో వచ్చే వారం జీ20 సమావేశంలో పాల్గొనేందుకు దిల్లీ వస్తున్న క్రమంలో ఆ దేశ ఈ ప్రకటన చేయడం చర్చనీయాంశంగా మారింది.
కెనడా
ధృవీకరించిన కెనడాలోని భారత రాయబారి
కెనడాలోని భారత రాయబారి సంజయ్ కుమార్ వర్మ ఒట్టావా కూడా వాణిజ్య చర్చలకు బ్రేక్ పడిన విషయాన్ని ధృవీకరించారు.
కెనడియన్ ప్రెస్‌తో ఆయన మాట్లాడారు. వాస్తవానికి గత నెలలోనే వాణిజ్య చర్చలకు బ్రేక్ వేయాలని కెనడా కోరిందని, అయితే కారణం ఏంటనే విషయాన్ని వెల్లడించలేదని చెప్పారు.
వివాదాలను పరిష్కరించడానికి ఒక యంత్రాంగాన్ని ఏర్పాటు చేస్తూనే వాణిజ్యాన్ని పెంచడానికి, పెట్టుబడులను విస్తరించడానికి ఈ ఏడాది కుదుర్చుకోవాలనే లక్ష్యంగా పెట్టుకున్నట్లు మే నెలలో భారత్-కెనడా ప్రకటించాయి.
కానీ మూడు నెలల్లో అనూహ్యంగా కెనడా వెనక్కి తగ్గింది. అయితే ఈ విషయంపై ట్రూడో కార్యాలయం కానీ, కెనడా వాణిజ్య మంత్రి కార్యాలయం కానీ ఇంతవరకు స్పందిచలేదు.