Dubai-Tel Aviv Flight: దుబాయ్ నుంచి టెల్ అవీవ్ వెళ్తున్న విమానంలో ఎమర్జెన్సీ అలర్ట్.. అసలేం జరిగింది?
ఈ వార్తాకథనం ఏంటి
దుబాయ్ నుంచి ఇజ్రాయెల్లోని టెల్ అవీవ్కు బయలుదేరిన ఫ్లైదుబాయ్ విమానంలో ప్రయాణ సమయంలో అనూహ్య పరిణామం చోటుచేసుకుంది. 150 మందికి పైగా ప్రయాణికులతో వెళ్తున్న బోయింగ్ 737 మ్యాక్స్ 8 విమానం సౌదీ అరేబియా గగనతలంలో ఉండగా ఒక్కసారిగా అత్యవసర పరిస్థితిని ఎదుర్కొంది. దీంతో విమానం తన ప్రయాణ మార్గాన్ని మార్చుకుని సౌదీ అరేబియా వైపు యూటర్న్ తీసుకుంది.
వివరాలు
విమానం నుంచి ఎమర్జెన్సీ సిగ్నల్
విమానంలో తలెత్తిన అత్యవసర పరిస్థితిని సూచిస్తూ ఫ్లైదుబాయ్ విమానం 'స్వాక్ కోడ్ 7700'ను జారీ చేసింది.
సాధారణంగా విమానంలో అత్యవసర పరిస్థితి తలెత్తినప్పుడు ఈ కోడ్ను ఎయిర్ ట్రాఫిక్ కంట్రోల్కు సమాచారం అందించేందుకు ఉపయోగిస్తారు.
అయితే కొన్ని ఫ్లైట్ ట్రాకింగ్ ప్లాట్ఫామ్లలో విమానం కొంతసేపు '7500' కోడ్కు మారినట్లు కూడా కనిపించింది.
విమానయాన రంగంలో 7500 కోడ్ను సాధారణంగా హైజాకింగ్ లేదా అక్రమ జోక్యాన్ని సూచించేందుకు ఉపయోగిస్తారు.
దీంతో విమానంలో అసలేం జరుగుతోందన్న అనుమానాలు ఒక్కసారిగా వ్యక్తమయ్యాయి. అయితే 7500 కోడ్కు సంబంధించి ఎలాంటి అధికారిక నిర్ధారణ వెలువడలేదు.
వివరాలు
అప్రమత్తమైన ఇజ్రాయెల్
విమానం అత్యవసర పరిస్థితి గురించి సమాచారం అందడంతో ఇజ్రాయెల్ అధికారులు అప్రమత్తమయ్యారు.
ఇజ్రాయెల్ వైమానిక దళం వెంటనే స్పందించి యుద్ధ విమానాలను గాల్లోకి పంపినట్లు సమాచారం.
విమానం టెల్ అవీవ్కు వస్తున్న నేపథ్యంలో అక్కడి భద్రతా వ్యవస్థ కూడా అప్రమత్తమైంది.
ఈ ఘటనపై ఇజ్రాయెల్ ప్రధాని బెంజమిన్ నెతన్యాహు, రక్షణ మంత్రి ఇజ్రాయెల్ కట్జ్ అత్యవసర భద్రతా సమావేశం నిర్వహించి పరిస్థితిని సమీక్షించారు.
విమానానికి ఎదురైన పరిస్థితి, దాని మార్గం మారడానికి గల కారణాలపై అధికారులు వివరాలు సేకరించారు.
వివరాలు
హైజాకింగ్ కాదన్న ప్రధాని ప్రతినిధి
అయితే ఈ ఘటనపై స్పందించిన ఇజ్రాయెల్ ప్రధాని ప్రతినిధి కీలక స్పష్టత ఇచ్చారు.
విమానం హైజాక్ కాలేదని ఆయన తెలిపారు. ప్రస్తుతం విమానం సౌదీ అరేబియాలోని తబూక్ నగరంలో సురక్షితంగా ల్యాండ్ కానుందని చెప్పారు.
విమానం సురక్షితంగా ల్యాండ్ అయిన తర్వాతే అత్యవసర పరిస్థితికి అసలు కారణం ఏమిటి, 7700 కోడ్ ఎందుకు జారీ చేయాల్సి వచ్చింది, 7500 కోడ్కు సంబంధించిన సమాచారం ఎలా కనిపించింది అనే అంశాలపై పూర్తి వివరాలు వెలుగులోకి వచ్చే అవకాశం ఉంది.
ప్రస్తుతం ఈ ఘటనపై అధికారిక వర్గాల నుంచి మరింత సమాచారం కోసం వేచి చూస్తున్నారు.
ట్విట్టర్ పోస్ట్ చేయండి
దుబాయ్-టెల్ అవీవ్ విమానం సౌదీ వైపు యూటర్న్..
#FZ1073 from Dubai to Tel Aviv squawking 7700 en route to Tel Aviv.https://t.co/BI5p7bTPrw pic.twitter.com/7fUP8XwwP3
— Flightradar24 (@flightradar24) September 30, 2026