G7 Summit: మానవ రవాణా,AI,శక్తి ,వాతావరణ మార్పులపై మోడీతో పలు దేశాధినేతల చర్చలు
భారత ప్రధాని నరేంద్ర మోదీ శుక్రవారం ఇటలీలోని అపులియా ప్రాంతంలో జరిగిన G7 శిఖరాగ్ర సమావేశానికి హాజరయ్యారు. అక్కడ వివిధ విదేశీ నాయకులతో సమావేశమయ్యారు. వాతావరణ మార్పు,కృత్రిమ మేధస్సుతో సహా పలు అంశాలపై చర్చించారు. బోర్గో ఎగ్నాజియాలోని లగ్జరీ రిసార్ట్‌లో జరిగిన ఈ సమ్మిట్‌లో 12 దేశాలు ,ఐదు అంతర్జాతీయ సంస్థలు పాల్గొన్నాయి. ఈవెంట్‌లో ఏమి జరిగిందో ఇప్పుడు మీ కోసం..
మోదీ,ట్రూడో ముఖాముఖి భేటీ
న్యూఢిల్లీలో జరిగిన G20 సమ్మిట్‌లో కెనడా ప్రధాని జస్టిన్ ట్రూడోకు కెనడాలో భారత వ్యతిరేక నిరసనల గురించి మోడి తీవ్ర ఆందోళనలను తెలియజేసిన ఒక సంవత్సరం తర్వాత, ఇద్దరూ మొదటిసారిగా ముఖాముఖిగా వచ్చారు. భారత ప్రధాని, జర్మనీ ఛాన్సలర్ ఒలాఫ్ స్కోల్జ్, అమెరికా అధ్యక్షుడు జో బిడెన్, జోర్డాన్ రాజు అబ్దుల్లా బిన్ అల్ హుస్సేన్ తదితరులను కూడా కలిశారు. జపాన్ ప్రధాని ఫ్యూమియో కిషిడాతో సమావేశమైన ఆయన, భారతదేశం జపాన్ "రక్షణ, సాంకేతికత, సెమీకండక్టర్లు, క్లీన్ ఎనర్జీ , డిజిటల్ టెక్నాలజీలో కలిసి పనిచేయడానికి ఎదురుచూస్తున్నాయి" అన్నారు.
AI,శక్తి ,వాతావరణ మార్పులపై మోడీ దృష్టి పెట్టారు
G7 ఔట్‌రీచ్ సెషన్‌లో, శక్తి కోసం భారతదేశం నాలుగు ప్రధాన సూత్రాలను మోదీ నొక్కిచెప్పారు. "లభ్యత, ప్రాప్యత, స్థోమత , ఆమోదయోగ్యత."ముఖ్యమన్నారు. సామాజిక అసమానతలను తగ్గించాలని పిలుపునిచ్చారు. సాంకేతిక పరిజ్ఞానాన్ని విస్తృతంగా అందుబాటులోకి తెచ్చేందుకు ప్రపంచ సహకారం కావాలని పిలుపునిచ్చారు. ఆయన గ్లోబల్ సౌత్ వైపు ప్రపంచ నాయకుల దృష్టిని ఆకర్షించారు. ఈ సదస్సు యుక్రెయిన్, గాజా యుద్ధాలతో పాటు ఆఫ్రికా,వలసలు,ఆర్థిక భద్రత,కృత్రిమ మేధ (ఏఐ)పై అంతర్జాతీయ సహకారం వంటి అంశాలపై దృష్టి సారించాలని తాము కోరుకుంటున్నట్లు ఇటలీ ప్రభుత్వం తెలిపింది. వాతావరణ మార్పులపై,2070 నాటికి "నెట్ జీరో"ని చేరుకోవడానికి భారతదేశం తీవ్రంగా కృషి చేస్తోందని, దాని అన్ని వాతావరణ పరిరక్షక సభ్యదేశాలు(COP) కట్టుబాట్లను ముందుగానే పూర్తి చేసిందని ఆయన పేర్కొన్నారు.
పోప్ ఫ్రాన్సిస్ చారిత్రాత్మక ప్రదర్శన, G7 నాయకుల ఆందోళనలు
పోప్ ఫ్రాన్సిస్ చారిత్రాత్మక ప్రదర్శన , G7 నాయకుల ఆందోళనలు ఆర్టిఫిషియల్ ఇంటెలిజెన్స్ ప్రయోజనాలు, అప్రయోజనాలను చర్చించడానికి పోప్ ఫ్రాన్సిస్ చారిత్రాత్మకంగా కనిపించారు. AI కారణంగా అభివృద్ధి చెందిన , అభివృద్ధి చెందుతున్న దేశాల మధ్య తలెత్తతున్న అసమానతలు, అన్యాయాల గురించి ఆయన ఆందోళన వ్యక్తం చేశారు. ఎలక్ట్రిక్ వాహనాలు, ఉక్కు , పునరుత్పాదక ఇంధనం వంటి రంగాలలో దాని ఆర్థిక ప్రభావంపై దృష్టి సారించాయి. ఈ రంగంలో చైనా చేపడుతున్న హానికరమైన వ్యాపార పద్ధతులను కూడా G7 నాయకులు ప్రస్తావించారు. తమ వ్యాపారాలను అన్యాయమైన పద్ధతుల నుంచి కాపాడుకుంటామని ప్రతిజ్ఞ చేశారు.
G7 సమ్మిట్‌లో వలసలు ,ఆర్థిక సహాయం గురించి చర్చ
సమ్మిట్‌లో వలసలు చర్చనీయాంశంగా మారాయి. మానవ రవాణాపై సదస్సు ఆందోళన వ్యక్తం చేసింది. దీనిని అరికట్టడానికి అందరూ సమష్టిగా పోరాడాలని నేతలు నిర్ణయించారు. ఇందుకోసం కూటమిని ఏర్పాటు చేసేందుకు అంగీకరించారు. G7 దేశాలు ఉక్రెయిన్‌కు $50 బిలియన్ల రుణాలను స్తంభింపచేసిన రష్యన్ ఆస్తుల నుండి పొందిన వడ్డీతో అందించడానికి ప్రాథమిక ఒప్పందానికి కూడా వచ్చాయి. అయితే, G7 సమ్మిట్ ప్రకటనలో చట్టబద్దమైన "అబార్షన్" అనే పదం ప్రత్యేకంగా లేదు. ఇది ఈ అంశంపై నాయకుల మధ్య ఏకాభిప్రాయం కుదర్లేదు.
'అబార్షన్' భాషపై శిఖరాగ్ర సమావేశంలో ఘర్షణ
గత సంవత్సరం, G7 నాయకులు జపాన్‌లో జరిగిన సమావేశంలో "సురక్షితమైన , చట్టబద్ధమైన గర్భస్రావం" గురించి చర్చించడానికి అంగీకరించారు. కానీ ఇటాలియన్ ప్రధాన మంత్రి జార్జియా మెలోనియా వైఖరి కారణంగా పుగ్లియాలో ఈ సంవత్సరం చివరి ప్రకటన నుండి ఈ అంశాన్ని తొలగించారు. నివేదిక ప్రకారం,ఈ సంవత్సరం భాషపై చర్చలు మెలోనీ ,ఫ్రెంచ్ అధ్యక్షుడు ఇమ్మాన్యుయేల్ మాక్రాన్ మధ్య బహిరంగ ఘర్షణకు కారణమయ్యాయి.అతను రోమ్ స్థితికి చింతిస్తున్నట్లు చెప్పాడు. అమెరికన్ అధికారుల ప్రకారం, US అధ్యక్షుడు జో బైడెన్ కూడా పునరుత్పత్తి హక్కుల గురించి సదస్సులో ప్రస్తావించారు.
