Imran Khan: ఇమ్రాన్ ఖాన్‌కు 14 ఏళ్ల జైలుశిక్ష
ఈ వార్తాకథనం ఏంటి
అల్ ఖాదిర్ ట్రస్ట్ భూమి అవినీతి కేసులో పాకిస్థాన్ మాజీ ప్రధాని ఇమ్రాన్ ఖాన్ , అతని భార్య బుష్రా బీబీ దోషులుగా తేలారు.
కోర్టు ఇద్దరికి జైలుశిక్ష విధించింది. ఇమ్రాన్ ఖాన్‌కు 14 సంవత్సరాలు, బుష్రా బీబీకి 7 సంవత్సరాల జైలుశిక్ష ఖరారైంది.
ఈ కేసులో సుమారు 190 మిలియన్ పౌండ్ల అవినీతి జరిగినట్లు ఆరోపణలు ఉన్నాయి.
అడియాలా జైలులో ప్రత్యేకంగా ఏర్పాటు చేసిన కోర్టులో జడ్జి నాసిర్ జావేద్ రాణా తీర్పును వెలువరించారు.
కోర్టు ఇమ్రాన్,బుష్రాలపై జరిమానా కూడా విధించింది. ఇమ్రాన్ ఖాన్‌కు 10 లక్షలు, బుష్రా బీబీకి 5 లక్షల జరిమానా విధించారు. జరిమానా చెల్లించకపోతే, మరింతగా 6 నెలల జైలుశిక్ష అనుభవించాల్సి ఉంటుందని కోర్టు పేర్కొంది.
వివరాలు
2023లో ఇమ్రాన్ ఖాన్‌పై అనేక లీగల్ కేసులు
ఈ కేసు 2024, ఫిబ్రవరి 27న ఫైల్ అయ్యింది. యూకే నుంచి వచ్చిన 50 బిలియన్ రూపాయలను చట్టబద్ధం చేయడం కోసం ఇమ్రాన్,బుష్రా బహరియా టౌన్ లిమిటెడ్ నుంచి ఖరీదైన భూములను లంచంగా స్వీకరించినట్లు ఆరోపణలు ఉన్నాయి.
ఈ కేసులో ఇస్లామాబాద్ అకౌంటబిలిటీ కోర్టు 2023,డిసెంబరు 23న తీర్పు ఇవ్వాల్సి ఉంది.
కానీ, పలు కారణాల వల్ల తీర్పు వాయిదా పడుతూ వచ్చింది. 2023లో ఇమ్రాన్ ఖాన్‌పై అనేక లీగల్ కేసులు దాఖలయ్యాయి.
ఈ కేసులు అన్నీ రాజకీయ కక్షతోనే నమోదైనట్లు ఇమ్రాన్ ఖాన్ ఆరోపించారు.
తోషాఖానా, ఇద్దత్ కేసుల్లో ఇమ్రాన్ గత ఏడాది నిర్దోషిగా తేలాడు. కానీ తాజా కేసు అయిన తోషాఖానా-2 కేసు పై ఆయనపై కొత్త ఆరోపణలు వచ్చాయి.