Man kills wife: స్క్రూడ్రైవర్‌తో భార్యను చంపిన భర్త అరెస్ట్
టర్కీలోని హోటల్ గదిలో స్క్రూడ్రైవర్‌తో తన 26 ఏళ్ల భార్యను దారుణంగా పొడిచి చంపిన బ్రిటిష్ టూరిస్ట్‌ని అరెస్టు చేశారు. 26 ఏళ్ల మహిళ స్థానిక కాలమానం ప్రకారం మంగళవారం మధ్యాహ్నం 12:30 గంటల ప్రాంతంలో ఫాతిహ్ మెవ్‌లనాకపి జిల్లాలోని ఓ హోటల్‌లో శవమై కనిపించింది. హోటల్ సిబ్బంది దంపతుల గది నుండి అరుపులు విన్నట్లు నివేదించారు. బాధితుడు రక్తపు మడుగులో పడి ఉన్నాడు. అనంతరం ఘటనా స్థలానికి చేరుకున్న వైద్య సిబ్బంది, పోలీసులు మహిళ మృతి చెందినట్లు నిర్ధారించారు. ఆమె గొంతుపై, శరీరం అంతటా గాయాలు కనిపించడంతో వైద్యులు ఆమెను స్క్రూడ్రైవర్‌తో హత్య చేసినట్లు నిర్ధారించారు. దర్యాప్తు ప్రారంభించిన టర్కీ పోలీసులకు హోటల్ నుండి తప్పించుకోవడానికి ప్రయత్నిస్తున్న ఆమె భర్తను పట్టుకున్నారు.
మానసిక రుగ్మతలకు మందులు వాడుతున్న నేరస్థుడు
ఆ తర్వాత పోలీసులు విచారణలో అతడు తన భార్యను హత్య చేసినట్లు ఒప్పుకున్నాడు. అతను స్క్రూడ్రైవర్‌ ను టాయిలెట్‌లో పారవేసినట్లు చెప్పాడు. టర్కీలోని హోమిసైడ్ బ్యూరోలో భర్తను విచారించగా,దాడి జరిగిన రోజున తన భార్య తనకు డ్రగ్స్ ఇచ్చిందని,ఇది వాగ్వాదానికి దారితీసిందని పేర్కొన్నాడు. అయితే, హోటల్ గదిలో ఎవరిపైనా డ్రగ్స్ దొరికినట్లు నివేదికలు లేవు. తన స్టేట్‌మెంట్‌లో,అతను మానసిక రుగ్మతలకు మందులు వాడుతున్నట్లు పేర్కొన్నాడు. సాక్ష్యాలను దాచిపెట్టి సంఘటన స్థలం నుండి పారిపోయినట్లు అంగీకరించాడు. ఈ జంట నవంబర్ 11 న ఇంగ్లండ్ నుండి ఇస్తాంబుల్‌కు వచ్చారు. నవంబర్ 14 న ఈ హోటల్ కి వచ్చారు. ఆ సమయంలోనే ఈ విషాద సంఘటన జరిగింది. ఘటనపై విచారణ కొనసాగుతోంది.
