kyrgyzstan: కిర్గిజ్‌స్థాన్‌లో నలుగురు పాకిస్థానీ విద్యార్థుల దారుణ హత్య.. ఎంబసీ సహాయం చేయలేదని విద్యార్థుల ఆరోపణ
కిర్గిజిస్థాన్ రాజధాని బిష్కేశ్‌లో మెడిసిన్ చదవడానికి వెళ్లిన విద్యార్థులు కొత్త సమస్యలో కూరుకుపోయారు. ఇక్కడి స్థానిక ప్రజలు అంతర్జాతీయ విద్యార్థులపై దాడికి పాల్పడ్డారు. అటువంటి హింసాత్మక గుంపు మొత్తం నగరంలో అల్లకల్లోలం సృష్టించింది. అంతర్జాతీయ విద్యార్థులపై దాడి చేసింది. ఈ దాడిలో పాకిస్థానీ విద్యార్థులే ఎక్కువగా నష్టపోయారు. మూక దాడిలో దాదాపు నలుగురు పాకిస్థానీ విద్యార్థులు మరణించారు. దీంతో అక్కడ చదువుకునేందుకు వెళ్లిన విదేశీ విద్యార్థులందరిలో భయాందోళన వాతావరణం నెలకొంది. భారతదేశం, పాకిస్థాన్, ఇతర దేశాల నుండి వేలాది మంది విద్యార్థులు మెడిసిన్ చదవడానికి కిర్గిజ్‌స్థాన్‌కు వెళతారు.
పాకిస్థాన్ రాయబార కార్యాలయం నుంచి సహాయం అందలేదు
కిర్గిజ్‌స్థాన్ రాజధాని బిష్కేష్‌లో ఎక్కువ మంది విద్యార్థులు నివసిస్తున్నారు. అయితే ఇటీవల పరిస్థితులు దారుణంగా ఉండడంతో విద్యార్థులు ఇబ్బందులు పడుతున్నారు. పాకిస్తానీ విద్యార్థి ప్రకారం, కొంతమంది ఈజిప్టు విద్యార్థులు అక్కడ దోపిడీ చేస్తున్న స్థానిక దొంగలతో పోరాడడంతో హింస చెలరేగింది. ఆ తర్వాత అక్కడి స్థానిక ప్రజలు అంతర్జాతీయ విద్యార్థులను ఎంపిక చేసి చంపడం ప్రారంభించారు. పాకిస్థాన్ రాయబార కార్యాలయం నుంచి సహాయం కోసం విజ్ఞప్తి చేసినా అక్కడి నుంచి కూడా సహాయం లభించలేదని విద్యార్థులు చెబుతున్నారు. పాకిస్థాన్‌లో ఉన్న ప్రజలకు ఆహారం అందించలేక, పాకిస్థాన్ నుంచి బయటకు వెళ్లిన వారిని రక్షించలేని విధంగా పాకిస్థాన్ నిస్సహాయంగా మారింది.
స్పందించిన పాకిస్థాన్ రాయబార కార్యాలయం
మే 13న, వందలాది మంది గుంపు హాస్టల్‌లోకి ప్రవేశించి విద్యార్థులను బయటకు లాగడం ప్రారంభించినప్పుడు, చాలా మంది పాకిస్థానీ విద్యార్థులు రాయబార కార్యాలయానికి కాల్ చేసినప్పటికీ రాయబార కార్యాలయం నుండి ఎటువంటి సహాయం అందలేదు. తర్వాత పాకిస్థానీ విద్యార్థులు అప్రమత్తంగా ఉండాలని, బయటకు వెళ్లవద్దని, తమ హాస్టళ్లకే పరిమితం కావాలని సలహా జారీ చేశారు. పాకిస్తాన్‌లోని 10 వేల మంది విద్యార్థులు కిర్గిజ్‌స్థాన్‌లో చదువుతున్నారు. ఈ మొత్తం వ్యవహారంపై పాక్ ఎంబసీ తీవ్ర విచారం వ్యక్తం చేసింది. బిష్కేశ్‌లో ఉన్న పాకిస్తాన్ రాయబారి ముస్తాక్ అహ్మద్ విద్యార్థులతో మాట్లాడుతూ ఇక్కడ పరిస్థితి అకస్మాత్తుగా దిగజారిందని, చాలా మంది పాకిస్థానీ విద్యార్థులు బిష్కేష్‌లో సురక్షితంగా లేరని వారిని వీలైనంత త్వరగా స్వదేశానికి పంపాలని అన్నారు.
