అరేబియా సముద్రంలో రాత్రి చైనీయుడికి గుండెపోటు.. సాహసోపేతంగా రక్షించిన ఇండియన్ కోస్ట్ గార్డ్
అరేబియా సముద్రంలో భారత కోస్ట్ గార్డ్ సాహసోపేతమైన చర్యను నిర్వహించింది. ఈ మేరకు నడిసముద్రంలో గుండెపోటుకు గురైన ఓ చైనీయుడ్ని రక్షించింది. నౌక సిబ్బంది యిన్ వీగ్యాంగ్ గుండెపోటుకు గురై ఛాతినొప్పితో తీవ్ర ఇబ్బందులకు గురయ్యారు. ఈ క్రమంలో నౌక సిబ్బంది సమీప తీర ప్రాంతం ముంబయిలోని మారిటైమ్ రెస్క్యూ కో-ఆర్డినేషన్ కేంద్రానికి ఎమర్జెన్సీ మెసేజ్ అందించారు. దీంతో అప్రమత్తమైన భారత కోస్ట్గార్డ్ ALHMK-3 హెలికాప్టర్ ద్వారా సముద్ర తీరానికి 200 కి.మీ దూరంలో ఉన్న నౌక వద్ద ఆపరేషన్ విజయవంతంగా నిర్వహించింది. చైనా నుంచి అరేబియా మీదుగా యూఈఏ వెళ్తున్న నౌకలో బుధవారం రాత్రి ఈ ఘటన జరిగింది. ప్రతికూల వాతావరణం మధ్య బాధితుడ్ని ఎయిర్లిఫ్ట్ ద్వారా సమీప ఆస్పత్రికి తరలించింది.