US: అమెరికాలో విదేశీ విద్యార్థులకు వీసాల రద్దుతో కలకలం - న్యాయపోరాటానికి సిద్ధమైన విద్యార్థులు
ఈ వార్తాకథనం ఏంటి
అమెరికా యూనివర్సిటీల క్యాంపస్‌లలో జరుగుతున్న ఆందోళనల్లో చురుకుగా పాల్గొన్న విదేశీ విద్యార్థులపై అమెరికా విదేశాంగశాఖ చర్యలు తీసుకోవడం చర్చనీయాంశమైంది.
కేవలం ఆందోళనల్లో పాల్గొన్న విద్యార్థులపై మాత్రమే కాకుండా, ఆ ఆందోళనల దృశ్యాలు లేదా జాతి వ్యతిరేకతను సూచించే పోస్టులను సామాజిక మాధ్యమాల్లో పంచిన విద్యార్థులకూ ముందుగా అధికారులచే ఈమెయిల్ ద్వారా "స్వచ్ఛందంగా దేశం విడిచి వెళ్లండి" అంటూ సూచనలు పంపించారు.
ఇటీవల ట్రంప్ పరిపాలన పలు విశ్వవిద్యాలయాలలో విద్యనభ్యసిస్తున్న విదేశీ విద్యార్థుల విద్యా వీసాలను రద్దు చేసింది.
దీంతో చాలా మంది విదేశీ స్కాలర్ల భవిష్యత్తు ప్రమాదంలో పడిపోయింది.
ఈ నిర్ణయాన్ని వ్యతిరేకిస్తూ పలువురు విద్యార్థులు న్యాయస్థానాన్ని ఆశ్రయించారు.
వివరాలు
నిరసన కార్యక్రమాల్లో పాల్గొని విద్యార్థుల వీసాలూ రద్దు
అకస్మాత్తుగా వీసాలు రద్దు చేయడం వల్ల తమ విద్యను కొనసాగించలేకపోతున్నామని, జీవితంలో కొత్త సమస్యలు ఎదురవుతున్నాయని వారు ఆవేదన వ్యక్తంచేశారు.
హార్వర్డ్, స్టాన్‌ఫోర్డ్ వంటి ప్రఖ్యాత ప్రైవేట్ యూనివర్సిటీలతో పాటు మేరీల్యాండ్, ఒహియో స్టేట్ వంటి ప్రసిద్ధ ప్రభుత్వ విశ్వవిద్యాలయాలలో విద్యనభ్యసిస్తున్న పలువురు విదేశీ విద్యార్థులు ఈ చర్యల ప్రభావానికి లోనయ్యారు.
అమెరికా అధ్యక్షుడు డొనాల్డ్ ట్రంప్ ఇప్పటికే పలు సందర్భాలలో చట్టబద్ధ పత్రాలు లేని విదేశీ విద్యార్థులను, హమాస్‌ వంటి ఉగ్రవాద గుంపులకు మద్దతు ఇస్తున్న వారిని దేశం నుంచి బహిష్కరించేందుకు చర్యలు తీసుకుంటామని ప్రకటించిన విషయం తెలిసిందే.
అయితే, నిరసన కార్యక్రమాల్లో పాల్గొని విద్యార్థుల వీసాలూ రద్దు కావడం వింతగా మారింది.
వివరాలు
ట్రాఫిక్ నియమాలు ఉల్లంఘించారని రద్దు
కొంతమంది విద్యార్థుల వీసాలు ట్రాఫిక్ నియమాలు ఉల్లంఘించారని చెబుతూ రద్దు చేసినట్లు తెలుస్తుండగా, మరికొందరికి అయితే అధికారులచే సరైన కారణాలు కూడా తెలియజేయలేదని వారు కోర్టులో వాదిస్తున్నారు.
ఇటువంటి కారణాలతో తమ వీసాలు రద్దు చేసే అధికారం ప్రభుత్వానికి లేదని వాదించారు.