Japan: జపాన్ సంచలన నిర్ణయం.. 80 ఏళ్ల శాంతివాదానికి స్వస్తి?
ఈ వార్తాకథనం ఏంటి
రెండో ప్రపంచయుద్ధం తర్వాత శాంతివాదానికి ప్రతీకగా నిలిచిన జపాన్ ఇప్పుడు తన రక్షణ విధానంలో భారీ మార్పులకు శ్రీకారం చుడుతోంది. ఇండో-పసిఫిక్ ప్రాంతంలో పెరుగుతున్న భద్రతా సవాళ్లు,చైనా సైనిక దూకుడు,ఉత్తర కొరియా క్షిపణి పరీక్షలు,రష్యా-ఉక్రెయిన్ యుద్ధం వంటి పరిణామాల నేపథ్యంలో దేశ భద్రతను మరింత బలోపేతం చేయాలని నిర్ణయించింది. ఈ క్రమంలో జపాన్ రక్షణ మంత్రి షింజిరో కోయిజుమి చేసిన వ్యాఖ్యలు ప్రపంచవ్యాప్తంగా చర్చకు దారితీశాయి. "యుద్ధాన్ని నివారించాలంటే ముందుగా దానిని అడ్డుకునే శక్తి ఉండాలి.శాంతిని కాపాడుకోవాలంటే ప్రత్యర్థి దాడి చేయాలనే ఆలోచనకే భయపడే స్థాయిలో రక్షణ సామర్థ్యాలు అవసరం"అని కోయిజుమి స్పష్టం చేశారు. ఒకప్పుడు యుద్ధాన్ని పూర్తిగా తిరస్కరించిన జపాన్ ఇప్పుడు సైనికబలాన్ని పెంచుకోవడం వెనుక ఉన్న కారణాలను ఆయన వివరించారు.
వివరాలు
జపాన్లో ఈ మార్పుకు కారణమేంటి?
ప్రస్తుతం ఇండో-పసిఫిక్ ప్రాంతం ప్రపంచ రాజకీయాల్లో అత్యంత కీలకమైన ప్రాంతంగా మారింది. ముఖ్యంగా చైనా వేగంగా పెంచుకుంటున్న సైనిక శక్తి జపాన్ను ఆందోళనకు గురిచేస్తోంది. గత పదేళ్లలో చైనా తన నౌకాదళం,వైమానిక దళం,క్షిపణి వ్యవస్థలను గణనీయంగా విస్తరించింది. తైవాన్ చుట్టూ తరచూ నిర్వహిస్తున్న సైనిక విన్యాసాలు,తూర్పు చైనా సముద్రంలోని జపాన్ నియంత్రణలో ఉన్న సేన్కాకు దీవుల సమీపంలో చైనా నౌకల సంచారం,దక్షిణ చైనా సముద్రంలో బీజింగ్ దూకుడు టోక్యోలో భద్రతా ఆందోళనలను పెంచుతున్నాయి. చైనాతో పాటు ఉత్తర కొరియా కూడా జపాన్కు మరో పెద్ద సవాల్గా మారింది. తరచూ నిర్వహిస్తున్న బాలిస్టిక్ క్షిపణి పరీక్షలు,అణ్వాయుధ కార్యక్రమాలు జపాన్ భద్రతకు ప్రత్యక్ష ముప్పుగా భావిస్తున్నారు.
వివరాలు
జపాన్లో ఈ మార్పుకు కారణమేంటి?
ఉత్తర కొరియా ప్రయోగించిన కొన్ని క్షిపణులు జపాన్ గగనతలంపై నుంచి దూసుకెళ్లడం అక్కడి ప్రజల్లో ఆందోళన కలిగించింది. ఇక ఉక్రెయిన్పై రష్యా దాడి కూడా జపాన్ ఆలోచనా విధానంలో పెద్ద మార్పుకు కారణమైంది. శాంతి కోసం ఒప్పందాలు మాత్రమే సరిపోవని, అవసరమైతే శక్తివంతమైన రక్షణ వ్యవస్థ కూడా ఉండాలని జపాన్ విధాన నిర్ణేతలు భావిస్తున్నారు.
వివరాలు
శాంతివాద దేశం నుంచి బలమైన రక్షణ వ్యవస్థ వైపు..
1945లో రెండో ప్రపంచ యుద్ధం ముగిసిన తర్వాత జపాన్ తన రాజ్యాంగంలోని 9వ అధికరణం ద్వారా యుద్ధాన్ని శాశ్వతంగా త్యజించింది. ఇతర దేశాలపై దాడి చేసే సైన్యాన్ని ఏర్పాటు చేయకుండా,కేవలం దేశ రక్షణ కోసం మాత్రమే సెల్ఫ్ డిఫెన్స్ ఫోర్సెస్ను ఏర్పాటు చేసింది. దశాబ్దాల పాటు ప్రపంచానికి శాంతివాద దేశంగా ఆదర్శంగా నిలిచింది.అయితే ప్రపంచ భద్రతా పరిస్థితుల్లో వచ్చిన మార్పులు జపాన్ను తన వ్యూహాన్ని పునఃపరిశీలించేలా చేశాయి. కొత్త సవాళ్లను ఎదుర్కొనేందుకు రక్షణ రంగాన్ని బలోపేతం చేయాలని నిర్ణయించింది. ఇటీవల జపాన్ ప్రభుత్వం రక్షణ వ్యయాన్ని భారీగా పెంచే నిర్ణయం తీసుకుంది. ఇప్పటి వరకు జీడీపీలో కేవలం ఒక శాతం మాత్రమే రక్షణ రంగానికి కేటాయించగా,ఇప్పుడు దాన్ని రెండు శాతానికి పెంచుతోంది.
వివరాలు
జపాన్ చేపడుతున్న కీలక చర్యలు
ఇది జపాన్ చరిత్రలోనే అతిపెద్ద రక్షణ విస్తరణగా విశ్లేషకులు చెబుతున్నారు. ప్రస్తుతం జపాన్ పలు కీలక రక్షణ కార్యక్రమాలను వేగవంతం చేస్తోంది. అమెరికా నుంచి అత్యాధునిక టోమాహాక్ క్షిపణుల కొనుగోలు దీర్ఘశ్రేణి దాడి సామర్థ్యం కలిగిన క్షిపణుల అభివృద్ధి సైబర్ యుద్ధ సామర్థ్యాల పెంపు కృత్రిమ మేధ ఆధారిత రక్షణ వ్యవస్థల అభివృద్ధి డ్రోన్ సాంకేతికత విస్తరణ అంతరిక్ష భద్రతా వ్యవస్థల బలోపేతం బ్రిటన్, ఇటలీలతో కలిసి ఆరో తరం యుద్ధ విమానాల తయారీ ఇవి కేవలం రక్షణ కోసమేనని జపాన్ చెబుతున్నప్పటికీ, ఆసియా భద్రతా సమీకరణాల్లో కీలక ప్రభావం చూపే అవకాశాలు కనిపిస్తున్నాయి.
వివరాలు
జపాన్ చర్యలపై చైనా విమర్శలు
జపాన్ రక్షణ విస్తరణను చైనా తీవ్రంగా వ్యతిరేకిస్తోంది. జపాన్ మళ్లీ సైనికవాదం వైపు అడుగులు వేస్తోందని బీజింగ్ ఆరోపిస్తోంది. అయితే ఈ విమర్శలను జపాన్ రక్షణ మంత్రి షింజిరో కోయిజుమి ఖండించారు. అణ్వాయుధాలు లేని, ఇతర దేశాలపై దాడి చేసే విధానం లేని జపాన్ను సైనికవాద దేశంగా చిత్రీకరించడం సరికాదన్నారు. ప్రాంతీయ అస్థిరతకు అసలు కారణం చైనా సైనిక విస్తరణేనని ఆయన పరోక్షంగా వ్యాఖ్యానించారు.
వివరాలు
అమెరికా పాత్ర ఎంత కీలకం?
జపాన్ భద్రతలో అమెరికా కీలక భాగస్వామిగా కొనసాగుతోంది. రెండో ప్రపంచ యుద్ధం తర్వాత కుదిరిన భద్రతా ఒప్పందం ప్రకారం జపాన్పై దాడి జరిగితే అమెరికా రక్షణకు రావాల్సి ఉంటుంది. ప్రస్తుతం జపాన్లో దాదాపు 50 వేల మంది అమెరికా సైనికులు మోహరించి ఉన్నారు. ఇండో-పసిఫిక్ ప్రాంతంలో చైనా ప్రభావాన్ని సమతుల్యం చేయడంలో అమెరికా-జపాన్ భాగస్వామ్యం కీలకంగా మారింది. అందుకే జపాన్ రక్షణ సామర్థ్యాల పెంపు కేవలం టోక్యో నిర్ణయం మాత్రమే కాకుండా అమెరికా వ్యూహాత్మక ప్రయోజనాలకు కూడా అనుగుణంగా ఉందని విశ్లేషకులు భావిస్తున్నారు.
వివరాలు
జపాన్ ప్రపంచానికి ఇస్తున్న సందేశం ఇదే..
జపాన్ తాజా వ్యూహం వెనుక ఒక స్పష్టమైన సందేశం కనిపిస్తోంది. శాంతిని కాపాడుకోవాలంటే బలమైన రక్షణ వ్యవస్థ అవసరమని ఆ దేశం చెబుతోంది. ఒకప్పుడు యుద్ధం వల్ల తీవ్ర నష్టాలను చవిచూసిన దేశం ఇప్పుడు మరో యుద్ధం జరగకుండా ఉండాలంటే తగిన సైనిక శక్తి కూడా అవసరమనే అభిప్రాయానికి వచ్చింది. చైనా, ఉత్తర కొరియా, రష్యా వంటి భద్రతా సవాళ్ల మధ్య జపాన్ తీసుకుంటున్న ఈ నిర్ణయాలు ఆసియా భద్రతా సమీకరణాలను ప్రభావితం చేసే అవకాశముంది.
వివరాలు
జపాన్ ప్రపంచానికి ఇస్తున్న సందేశం ఇదే..
ప్రస్తుతం చేపడుతున్న రక్షణ విస్తరణ కేవలం ఆయుధాల కొనుగోలు మాత్రమే కాదు.. రెండో ప్రపంచ యుద్ధం తర్వాత కొనసాగుతున్న 80 ఏళ్ల శాంతివాద విధానంలో వచ్చిన అతిపెద్ద మలుపుగా విశ్లేషకులు అభిప్రాయపడుతున్నారు. రాబోయే దశాబ్దంలో జపాన్ ఆసియాలో మరింత ప్రభావవంతమైన సైనిక, వ్యూహాత్మక శక్తిగా ఎదిగే అవకాశాలు ఉన్నాయని అంతర్జాతీయ వ్యవహారాల నిపుణులు అంచనా వేస్తున్నారు.