Netherland: ఆమ్స్టర్డామ్లోని షిపోల్ విమానాశ్రయంలో భారీ ప్రమాదం.. విమానం ఇంజిన్లో చిక్కుకుని వ్యక్తి మృతి
నెదర్లాండ్స్లోని ఆమ్స్టర్డామ్లోని షిపోల్ విమానాశ్రయంలో ఘోర ప్రమాదం జరిగింది. విమానాశ్రయంలో బయలుదేరడానికి సిద్ధంగా ఉన్న విమానం ఇంజిన్లో ఇరుక్కుని వ్యక్తి మృతి చెందాడు. ఈప్రమాదం జరిగినప్పుడు KLM విమానం డెన్మార్క్లోని బిలుండ్కు బయలుదేరడానికి సిద్ధంగా ఉందని ఒక అధికారి తెలిపారు. విమానం ఇంజిన్లో చిక్కుకున్నవ్యక్తి కదులుతున్న విమానం ఇంజిన్లో ఒక వ్యక్తి చిక్కుకున్న సంఘటన ఈరోజు షిపోల్లో జరిగిందని డచ్ మేజర్ క్యారియర్ KLM తెలిపింది. దురదృష్టవశాత్తూ ఆ వ్యక్తి చనిపోయాడు.అయితే మృతుడు ఎవరనే విషయాన్ని మాత్రం వెల్లడించలేదు. నెదర్లాండ్స్లోని అతిపెద్ద విమానాశ్రయంలో డచ్ బోర్డర్ పోలీసులు భద్రతకు బాధ్యత వహిస్తారు. ఈ ఘటనపై ఆయన స్పందిస్తూ.. ఘటన తర్వాత ప్రయాణికులందరినీ విమానం నుంచి దింపేశామని, దీనిపై దర్యాప్తు ప్రారంభించామని చెప్పారు.
స్వల్ప-దూరం ఎంబ్రేయర్ జెట్
స్థానిక మీడియా ప్రకారం, ఈ విమానం స్వల్ప-దూరం ఎంబ్రేయర్ జెట్, దీనిని KLM సిటీహాపర్ సర్వీస్ ఉపయోగిస్తుంది. ఇది ప్రధానంగా లండన్, ఇతర సమీప గమ్యస్థానాలకు విమానాలను నడుపుతుంది. ఘటనకు సంబంధించిన వీడియోలో అనేక అగ్నిమాపక ట్రక్కులు విమానాన్ని చుట్టుముట్టాయి. స్కిపోల్లో కట్టుదిట్టమైన భద్రతా ఏర్పాట్లు ఉన్నాయి. ఇక్కడ ప్రమాదాలు చాలా తక్కువగా జరుగుతాయి.