Boat capsizes: నైజీరియాలోని సోకోటోలో పడవ బోల్తా..40 మంది గల్లంతు
ఈ వార్తాకథనం ఏంటి
నైజీరియాలో మరోసారి ఘోర పడవ ప్రమాదం చోటుచేసుకుంది. వాయువ్య సోకోటో రాష్ట్రంలోని గోరోన్యో మార్కెట్‌ వైపు వెళ్తున్న పడవ ఒక్కసారిగా బోల్తా పడటంతో దాదాపు 40 మంది నదిలో గల్లంతయ్యారు. ఈ ఘటనలో ఇప్పటివరకు 10 మందిని సురక్షితంగా రక్షించినట్టు జాతీయ అత్యవసర నిర్వహణ సంస్థ వెల్లడించింది. ప్రమాదం సంభవించిన సమయంలో పడవలో సుమారు 50 మంది ప్రయాణికులు ఉన్నారని అధికారులు తెలిపారు.
వివరాలు
మూడు వారాల క్రితం ఉత్తర-మధ్య నైజీరియాలో పడవ బోల్తా
గల్లంతైన వారిని వెతికేందుకు భద్రతా బలగాలు గాలింపు చర్యలు కొనసాగిస్తున్నాయి. ప్రమాదంలో గాయపడిన కొంతమందిని సమీపంలోని ఆస్పత్రికి తరలించి వైద్యులు చికిత్స అందిస్తున్నారు. ఇక మూడు వారాల క్రితం ఉత్తర-మధ్య నైజీరియాలోని నైజర్ రాష్ట్రంలోనూ ఇలాంటి దుర్ఘటన జరిగింది. అప్పట్లో సుమారు 100 మంది ప్రయాణికులతో వెళ్తున్న పడవ మునిగిపోయింది. ఆ ఘటనలో 13 మంది మృతి చెందినట్టు అధికారులు ధృవీకరించగా, ఇంకా పలువురి ఆచూకీ తెలియలేదని పేర్కొన్నారు.
ట్విట్టర్ పోస్ట్ చేయండి
నైజీరియాలోని సోకోటోలో పడవ బోల్తా
More than 40 missing after boat capsizes in Nigeria’s Sokoto https://t.co/NjV4Qf74ta
— Al Jazeera English (@AJEnglish) August 18, 2025