Nepal: నేపాల్ తాత్కాలిక ప్రధానిగా మాజీ ప్రధాన న్యాయమూర్తి
ఈ వార్తాకథనం ఏంటి
నేపాల్‌లో సోషల్ మీడియా నిషేధానికి వ్యతిరేకంగా జెన్-జెడ్ తరగతికి చెందిన యువత ఆందోళనలు హోరెత్తాయి. సోమవారం జరిగిన నిరసన కార్యక్రమాల్లో భాగంగా పాల్గొన్న నిరసనకారులపై భద్రతా బలగాలు కాల్పులు జరపడంతో మొత్తం 19 మంది ప్రాణాలు కోల్పోయారు. ఈ సంఘటనల కారణంగా నిరసనలు హింసాత్మక దశను చేరుకున్నాయి. అనంతరం, ప్రధాని కె.పి. శర్మ ఓలీ సహా తన ప్రభుత్వంలోని మంత్రులు ఒక్కోరు వరుసగా రాజీనామా చేశారు. ఇప్పుడు, నేపాల్ దేశాన్ని పూర్తిగా సైన్యం తన నియంత్రణలోకి తీసుకుంది.
వివరాలు
యువత ఎంపికగా మాజీ చీఫ్ జస్టిస్
ఇదిలా ఉంటే, నేపాల్‌కు కాబోయే తదుపరి ప్రధానమంత్రిపై చర్చించడానికి సుమారు 5000 మందికి పైగా యువకులు వర్చువల్ సమావేశంలో పాల్గొన్నారు. మాజీ చీఫ్ జస్టిస్ సుశీలా కర్కీ యువత ఎంపికగా నిలిచారు. తొలుత, ఖాట్మాండు మేయర్ బాలెన్ షా వైపు ఆసక్తి చూపించినప్పటికీ, ఆయనను సంప్రదించడానికి మళ్ళీ మళ్ళీ ప్రయత్నించగా కూడా స్పందన లేకపోవడంతో నిరసనకు నాయకత్వం వహించిన ప్రతినిధులు మీడియాకు చెప్పారు. సుశీలా కర్కీతో పాటు నేపాల్ విద్యుత్ సంస్థ చీఫ్ కుల్మాన్ ఘిసింగ్, యువ నాయకుడు సాగర్ ధకల్, ధరణ్ మేయర్ హర్కా సంపాంగ్ వంటి ప్రముఖుల పేర్లు కూడా ప్రధానమంత్రి పదవికి ప్రస్తావనకు వచ్చాయి.
వివరాలు
సుశీలా కర్కీ ఎవరు?
మరోవైపు, నేపాల్‌లో మంచి ప్రాచుర్యం పొందిన యూట్యూబర్ రాండన్ నేపాలీకి కూడా మద్దతుగా పలువురు యువకులు ముందుకొచ్చారు. అయితే, ఇతరులు ఈ పదవిని స్వీకరించకపోతే తాను ముందుకు వచ్చి బాధ్యత తీసుకుంటానని ఆయన స్పష్టం చేశారు. 72 ఏళ్ల సుశీలా కర్కీ,నేపాల్ చరిత్రలో చీఫ్ జస్టిస్‌గా పనిచేసి మొదటి మహిళ.. 2016లో ప్రధానమంత్రి కె.పి. శర్మ ఓలీ నేతృత్వంలోని రాజ్యాంగ మండలి సిఫార్సుతో అప్పటి అధ్యక్షురాలు బిద్యా దేవి భండారి ఆమెను చీఫ్ జస్టిస్‌గా నియమించారు. న్యాయవ్యవస్థలో ప్రవేశించేముందు ఆమె ఉపాధ్యాయురాలిగా సేవలందించారు. అవినీతి వ్యవహారాలలో ఒక మంత్రిని జైలుకి పంపించిన ఘన నిర్ణయం ఆమెదే. సుశీలా కర్కీ 1975లో వారణాసిలోని బనారస్ హిందూవిశ్వవిద్యాలయం నుంచి పాలిటికల్ సైన్స్‌లో మాస్టర్ డిగ్రీ సాధించారు.