#NewsBytesExplainer: కువైట్ అగ్నిప్రమాదంలో 40 మంది భారతీయులు మృతి, ఇంతకీ ఏం జరిగిందో తెలుసా..?
ఈ వార్తాకథనం ఏంటి
కువైట్‌లోని ఓ భవనంలో బుధవారం జరిగిన అగ్ని ప్రమాదంలో 45 మంది భారతీయులు సజీవదహనమయ్యారు.
మృతుల్లో 24 మంది దక్షిణాది రాష్ట్రానికి చెందిన వారు కావడంతో బాధితుల మృతదేహాలను దేశానికి తీసుకొచ్చే ఇండియన్ ఎయిర్ ఫోర్స్ విమానం కేరళ చేరుకుంది.
గ్యాస్ సిలిండర్ల నుండి లాక్ చేయబడిన తలుపుల వరకు, ఆరు అంతస్తుల భవనంలో లోపాలపై అగ్ని ప్రమాదం తరువాత ప్రాథమిక దర్యాప్తు ద్వారా వెలుగులోకి వచ్చింది.
వివరాలు
ప్రధాన లోపాలు
ది ఇండియన్ ఎక్స్‌ప్రెస్ నివేదిక ప్రకారం, అగ్నిప్రమాదం జరిగిన ప్రదేశంలో, గ్రౌండ్ ఫ్లోర్‌లో సుమారు రెండు డజన్ల గ్యాస్ సిలిండర్లు కనుగొన్నారు.
అదనంగా, కాగితం, కార్డ్‌బోర్డ్, ప్లాస్టిక్ వంటి మండే పదార్థాలను చిన్న ప్రదేశాలలో కార్మికులను వేరుగా ఉంచడానికి విభజనలుగా ఉపయోగించారు.
పైకప్పుకు దారితీసే తలుపులు లాక్ చేసున్నాయి. అంతేకాకుండా, చిక్కుకున్న కార్మికులు పారిపోకుండా నిరోధించడంలో నేల నుండి పైకప్పు వరకు లాక్ చేయబడిన తలుపులు కూడా కీలక పాత్ర పోషించాయి.
భారత రాయబార కార్యాలయం ప్రతినిధులు ప్రాణాలతో బయటపడగా, కువైట్ పరిశోధకులు అగ్నిప్రమాదంపై దర్యాప్తు మొదలుపెట్టినప్పుడు ఈ వివరాలు వెలుగులోకి వచ్చాయి.
వివరాలు
మంటలు ఎలా మొదలయ్యాయి?
అగ్నిప్రమాదానికి గల కారణాలు ఇంకా అధికారికంగా తెలియరాలేదు.మొదట వంటగదిలో మంటలు చెలరేగాయని,క్రమంగా భవనం అంతటా వ్యాపించిందని చెబుతున్నారు.
రద్దీగా ఉండే గదులను విభజించడానికి కార్డ్‌బోర్డ్‌లు,కాగితాలు,ప్లాస్టిక్‌ను ఉపయోగించారు.ఇక్కడ నిర్మాణంలోని ప్రతి గదిలో డజను లేదా అంతకంటే ఎక్కువ మంది వ్యక్తులు ఉన్నారు.
ఇది మంటలు వేగంగా వ్యాపించడానికి కారణమైనట్లు సమాచారం.మంటల తీవ్రత ఎక్కువగా ఉండడంతో అది వేగంగా వ్యాపించి, భవనం గ్రౌండ్ ఫ్లోర్ అంతా వ్యాపించింది.
పై అంతస్థుల్లో ఉన్న మరికొందరు టెర్రస్‌లోకి వెళ్లేందుకు ప్రయత్నించగా టెర్రస్‌ తలుపు లాక్ వేసుంది. దీంతో కార్మికులు మంటల్లో చిక్కుకున్నారు.
అగ్నిమాపక శాఖ ప్రకారం, భవనం మొత్తం పోగతో వ్యాపించడంతో మెట్లు దిగడానికి ప్రయత్నించిన బాధితులకు ఊపిరి పీల్చుకోవడం కష్టంగా మారింది.
వివరాలు
కువైట్ బిల్డింగ్'లో కోడ్ ఉల్లంఘనలు
ఇండియన్ ఎక్స్‌ప్రెస్ మూలాల ప్రకారం,ఈ భవనంలో ఎక్కువ మందికి వసతి కల్పించాడనికి రూములను కార్డ్‌బోర్డ్,ప్లాస్టిక్ వంటి మండే పదార్థాలతో విభజించారు.
దీంతో అగ్నిమాపక సిబ్బంది రాకపోకలకు అంతరాయం ఏర్పడింది. అగ్నిప్రమాదానికి కారణమైన పరిస్థితులతో బిల్డర్లు,భవన యజమానులపై అధికారులు కొరడా ఝళిపించారు.
అగ్నిప్రమాదం ఒక విపత్తు అని,అన్ని నిర్మాణాలను మునిసిపల్ కార్మికులు తనిఖీ చేస్తారని, వారు ముందస్తు నోటీసు లేకుండా ఎటువంటి ఉల్లంఘనలు ఉన్న తొలగిస్తారని మంత్రి విలేకరులతో చెప్పారు.
షేక్ ఫహాద్ అల్-యూసెఫ్ అల్-సబా, డిప్యూటీ ప్రధాన మంత్రి, రక్షణ మంత్రి, అంతర్గత మంత్రి, భవనం ఈజిప్షియన్ గార్డు, కువైట్ భూస్వామిని అరెస్టు చేయాలని ఆదేశాలు జారీ చేశారు.
అతని అనుమతి లేకుండా వారిని విడుదల చేయవద్దని అధికారులను హెచ్చరించారు.
వివరాలు
బాధితులను గుర్తించారు
మరణించిన 49 మందిలో,45 మంది భారతీయులు,ముగ్గురు ఫిలిప్పీన్స్‌గా గుర్తించినట్లు కువైట్ పోలీసులు తెలిపారు.ఒక మృతదేహం ఎవరిది అనేది ఇంకా తెలియరాలేదు.
కువైట్ నగరానికి దక్షిణాన ఉన్న మంగాఫ్‌లో,196మంది వలస కార్మికులు నివాసం ఉంటున్న భవనం మంటల్లో చిక్కుకుంది.
ఈ ప్రమాదంలో దాదాపు యాభై మంది గాయపడ్డారు.రాష్ట్ర మంత్రి కీర్తి వర్ధన్ సింగ్,కువైట్‌లోని భారత రాయబారి ఆదర్శ్ స్వైకా గురువారం గల్ఫ్ దేశానికి చేరుకున్నారు.
ప్రాణాలతో బయటపడిన కొంతమందిని,కువైట్ పరిపాలనలోని సీనియర్ అధికారులను కలిశారు.
"ఈవిషాద సంఘటనపై ఎఫ్‌ఎం యాహ్యా తన సంతాపాన్ని తెలియజేశారు. వైద్య సంరక్షణ,మృత దేహాలను ముందస్తుగా స్వదేశానికి రప్పించడం, సంఘటనపై దర్యాప్తుతో సహా పూర్తి సహాయాన్ని అందిస్తామని ఆయన హామీ ఇచ్చారు" అని భారత రాయబార కార్యాలయం ఎక్స్‌లో తెలిపింది.
వివరాలు
మృతదేహాలను గుర్తించేందుకు డీఎన్‌ఏ పరీక్షలు
ప్రాణాలతో బయటపడిన వారికి భారత ప్రభుత్వం నుంచి అన్ని విధాలా సహకారం అందిస్తామని సింగ్ హామీ ఇచ్చారు.
మృతదేహాలను గుర్తించేందుకు డీఎన్‌ఏ పరీక్షలు నిర్వహిస్తున్నట్లు కువైట్ అధికారులకు ఆయన ముందే సమాచారం అందించారు.
కువైట్ ఎమిర్, షేక్ మెషల్ అల్-అహ్మద్ అల్-జాబర్ అల్-సబా, మృతుడి కుటుంబ సభ్యులకు ఆర్థిక సహాయం పంపిణీకి ఉత్తర్వులు జారీ చేశారు.
స్థానిక మీడియాలో వచ్చిన కథనాల ప్రకారం, మరణించిన భారతీయులను వారి దేశాన్నికి తిరిగి తీసుకురావడానికి విమానాలను సిద్ధం చేయమని కూడా అయన ఆదేశించారు.
వివరాలు
భారతీయ వలస కార్మికుల దుర్బలత్వం
కువైట్‌లో 48 లక్షల మంది జనాభా ఉన్నారు. వీరిలో 21 శాతం మంది భారతీయులే.
వీరిలో ఎక్కువ మంది వడ్రంగి, మేస్త్రీలు, గృహ కార్మికులు, ఫుడ్ డెలివరీ రైడర్లు, డ్రైవర్లు వంటి నైపుణ్యం లేని,సెమీ-స్కిల్డ్ కార్మికులు.
వీరే కాకుండా కొంతమంది ప్రవాసులు దేశంలో ఇంజనీర్లు, వైద్యులు, చార్టర్డ్ అకౌంటెంట్లు, శాస్త్రవేత్తలు, సాఫ్ట్‌వేర్ నిపుణులు, మేనేజ్‌మెంట్ కన్సల్టెంట్‌లు, ఆర్కిటెక్ట్‌లు, సాంకేతిక నిపుణులు, నర్సులు, రిటైల్ వ్యాపారులుగా కూడా పనిచేస్తున్నారు.
వివరాలు
అవగాహనరాహిత్యం.. గల్ఫ్ దేశాలకు వలస వెళ్ళే కార్మికులు
మోసపూరిత ట్రావెల్ ఏజెంట్లు, కఫాలా పద్ధతి, మానవ అక్రమ రవాణా, ఆర్థిక ఇబ్బందులు, కఠినమైన పని పరిస్థితులు లాంటి సమస్యలు గల్ఫ్ కార్మికుల మరణాలకు కారణమవుతున్నాయి.
విదేశీ వ్యవహారాలశాఖ లెక్కల ప్రకారం, గత ఆరేళ్లలో లక్షకు పైగా ఫిర్యాదులు కార్మికుల నుంచి వచ్చాయి.
జీతాలు ఇవ్వకపోవడం, హక్కులు నిరాకరించడం, నివాస పరిమితి ఇవ్వకపోవడం లేదా కొనసాగించకపోవడం, ఓవర్ టైం డబ్బులు ఇవ్వకపోవడం, వారాంతపు సెలవు లేకపోవడం, ఎక్కువ గంటలు పనిచేయాల్సి రావవడం, సొంత దేశానికి పంపకపోవడం, వైద్య సహాయం లేదా బీమా అసలు అందించకపోవడం, మరణించిన సందర్భాల్లో పరిహారం ఇవ్వకపోవడం లాంటి సమస్యలపైనే అత్యధిక ఫిర్యాదులు వచ్చాయి.
వివరాలు
భవనంలో సామర్థ్యం కంటే ఎక్కువ మంది
తెల్లవారుజామున పని ముగించుకుని తిరిగి వచ్చిన కూలీలు చాలా మంది గాఢ నిద్రలో ఉన్న సమయంలో మంటలు చెలరేగాయి.
దీంతో ప్రజలు కోలుకునే అవకాశం లేక, ఊపిరాడక మృత్యువాత పడ్డారు. భవనం నుంచి బయటకు వచ్చే మార్గం కూడా చాలా ఇరుకుగా ఉంది.
భవనంలో నివసిస్తున్నప్పుడు నివాస చట్టాలు ఉల్లంఘించబడుతున్నాయని కువైట్ అంతర్గత మంత్రి తెలిపారు. సామర్థ్యానికి మించి ఉన్న భవనంలో మొత్తం 196 మంది నివసిస్తున్నారు.