Pakistan: సింధూ జలాల ఒప్పందంపై ఎటువంటి రాజీ లేదు: పాక్‌ ఆర్మీ చీఫ్‌ ప్రేలాపనలు
ఈ వార్తాకథనం ఏంటి
పాకిస్థాన్‌కు సంబంధించి సింధూ నదుల అంశం ఒక ఎర్రగీతగా మారిందని, ఆ విషయంలో తాము ఏమాత్రం రాజీ పడబోమని ఆ దేశ సైన్యాధిపతి జనరల్ అసీం మునీర్ మరోసారి ఘాటుగా స్పందించారు.
పాక్‌లోని వివిధ విశ్వవిద్యాలయాల ఉపకులపతులు, ప్రముఖ అధ్యాపకులు, సీనియర్ అధ్యాపకుల సమావేశంలో పాల్గొన్న సందర్భంగా ఆయన కీలక వ్యాఖ్యలు చేశారు.
"నీటి వ్యవహారం పాకిస్థాన్‌కు అత్యంత ప్రాధాన్యత కలిగిన అంశం.ఇది 24 కోట్ల పౌరుల ప్రాథమిక హక్కుగా భావిస్తున్నాం. ఈ విషయంలో ఎటువంటి ఒప్పందాలు, రాజీలు కుదరవు. ఇదొక రెడ్‌లైన్. అదే విధంగా కశ్మీర్‌పై కూడా మేము ఏ విధమైన ఒప్పందాలకు సిద్ధంగా లేము. కశ్మీర్‌ను మేం మరచిపోలేము. అది పాకిస్థాన్‌కు జీవనాడిగా భావిస్తున్నాం" అని స్పష్టంగా చెప్పారు.
వివరాలు
కశ్మీర్ పాకిస్థాన్‌కు జీవనాడి
తన ప్రస్తుత స్థానానికి చేరుకోవడం తల్లిదండ్రులు, గురువుల ఆశీస్సుల వల్లే సాధ్యమైందని,పాకిస్థాన్ చరిత్రను భవిష్యత్ తరాలకు అక్షరాలా చాటిచెప్పాల్సిన బాధ్యత వున్నదని మునీర్ పేర్కొన్నారు.
అలాగే యువత వ్యక్తిత్వ వికాసాన్ని తీర్చిదిద్దడంలో విద్యావేత్తల పాత్ర ఎంతో కీలకమని చెప్పారు.
బలోచిస్తాన్‌లో జరుగుతున్న వేర్పాటువాద ఉద్యమం పూర్తిగా విదేశీ శక్తుల ప్రేరణతోనే జరుగుతుందని, స్థానికుల‌కు దానితో సంబంధం లేదని స్పష్టం చేశారు.
ఇటీవల జమ్ముకశ్మీర్‌లోని పహల్గాం వద్ద చోటుచేసుకున్న ఉగ్రదాడికి మునీర్ గతంలో చేసిన ''కశ్మీర్ పాకిస్థాన్‌కు జీవనాడి'' అన్న ప్రకటనే ప్రేరణగా మారినట్లుగా విమర్శలు వినిపిస్తున్నాయి.
ఈ దాడి అనంతరం భారత్ 1960లో కుదిరిన సింధూ జలాల ఒప్పందాన్ని నిలిపివేసిన విషయం తెలిసిందే.
వివరాలు
ఇరుదేశాల మధ్య సైనిక ఘర్షణలు
అప్పటి నుంచి పాకిస్థాన్ నేతలు భారత్‌పై నేరుగా లేదా పరోక్షంగా హెచ్చరికలు చేస్తూ వస్తున్నారు. అయితే, ఈ ఒప్పందం అమలులో నిలిపివేయబడినది ఇదే తొలిసారి.
దీనితో పాటు భారత్ పాక్‌లోని ఉగ్రవాద స్థావరాలపై ప్రత్యామ్నాయ చర్యలు తీసుకుని వాటిని ధ్వంసం చేసింది.
ఆ తర్వాత ఇరుదేశాల మధ్య సైనిక ఘర్షణలు కూడా చోటుచేసుకున్నాయి.ఈ ఘటనల్లో పాకిస్థాన్‌కు చెందిన ఎనిమిదికిపైగా సైనిక స్థావరాలు తీవ్రంగా ధ్వంసమయ్యాయి.
సింధూ నది,దాని ఉపనదుల వాటాలపై ప్రపంచ బ్యాంకు మధ్యవర్తిత్వంతో భారత్-పాకిస్థాన్‌లు 1960 సెప్టెంబరులో ఒప్పందానికి వచ్చాయి.
అప్పటి భారత ప్రధాని జవహర్‌లాల్ నెహ్రూ, పాకిస్థాన్ అధ్యక్షుడు జెనరల్ అయూబ్ ఖాన్ ఈ ఒప్పందంపై సంతకాలు చేశారు.
వివరాలు
నదుల మొత్తం సామర్థ్యం సుమారు 135 మిలియన్ ఎకరాల అడుగులు
దీనిలో తూర్పు దిశలో ప్రవహించే రావి, బియాస్, సట్లెజ్ నదులపై భారత్‌కు హక్కులు కల్పించబడ్డాయి.
వీటి వార్షిక ప్రవాహం సగటున 33 మిలియన్ ఎకరాల అడుగులుగా (MAF) ఉంటుంది.
ఇక పశ్చిమ దిశలో ప్రవహించే సింధు, జీలం, చీనాబ్ నదులపై పాకిస్థాన్‌కు అధిక హక్కులు దక్కాయి.
ఈ నదుల మొత్తం సామర్థ్యం సుమారు 135 మిలియన్ ఎకరాల అడుగులుగా (MAF) ఉంది.