PM Modi : గల్వాన్ ఘర్షణ తరువాత ప్రధాని మోదీ తొలిసారి చైనా పర్యటన
ఈ వార్తాకథనం ఏంటి
ప్రధాన మంత్రి నరేంద్ర మోదీ వచ్చే ఆగస్టు 31 నుంచి సెప్టెంబర్ 1 వరకు చైనా తియాంజిన్ నగరంలో జరగనున్న శాంఘై సహకార సంస్థ (SCO) ప్రాంతీయ సమ్మిట్‌లో పాల్గొననున్నారు. గల్వాన్ లోయలో 2020లో జరిగిన ఘర్షణ తరువాత మోదీ చైనా పర్యటించడం ఇదే మొదటిసారి. ఆయన గతంలో చివరిసారిగా 2019లో చైనా సందర్శించారు. ఈ సదస్సులో SCO సభ్య దేశాలతో కలిసి ప్రాంతీయ భద్రత, ఉగ్రవాదం, వాణిజ్యం వంటి కీలక అంశాలపై చర్చలు జరగనున్నాయి. భారత్-చైనా మధ్య సంబంధాలు మళ్లీ స్థిరంగా మారేలా, సంభాషణలు పునరుద్ధరించే దిశగా ప్రయత్నాలు సాగనున్నాయి.
వివరాలు
వ్లాదిమిర్ పుతిన్,జిన్‌పింగ్‌లతో మోదీ సమావేశం
ఈ శిఖరాగ్ర సమావేశంలో రష్యా అధ్యక్షుడు వ్లాదిమిర్ పుతిన్, చైనా అధ్యక్షుడు జీ జిన్‌పింగ్‌లతో అనధికారిక సమావేశాలు జరిపే అవకాశం ఉంది. గతంలో, 2024 అక్టోబర్‌లో, కజాన్ నగరంలో జరిగిన బ్రిక్స్ సమ్మిట్‌లో మోదీ, జిన్‌పింగ్ కలుసుకున్నారు. ఆ సమావేశం తరువాత, రెండు దేశాల మధ్య సరిహద్దు ఉద్రిక్తతలను తగ్గించే ప్రయత్నాలు ఊపందుకున్నాయి.