Russia Attack on Ukraine: 800కి పైగా డ్రోన్లతో ఉక్రెయిన్‌పై రష్యా అతిపెద్ద వైమానిక దాడి
ఈ వార్తాకథనం ఏంటి
రష్యా, ఉక్రెయిన్‌పై భారీ స్థాయిలో దాడులు ప్రారంభించింది. ఈ దాడిలో 800కు పైగా డ్రోన్లు, క్షిపణులు ఉపయోగించినట్లు సమాచారం. యుద్ధం ప్రారంభమైనప్పటి నుంచి ఇంత పెద్దగా గగనతల దాడులు మొదటిసారి జరుగుతున్నాయి. ప్రత్యేకంగా, తొలిసారిగా రష్యా ఒక ప్రభుత్వ భవనాన్ని లక్ష్యంగా చేసుకున్నట్టు కూడా తెలియజేశారు.ఉక్రెయిన్‌ ప్రతినిధి యూరీ ఇన్హాత్‌ ఈ దాడులను ధృవీకరించారు. ప్రత్యర్థి దేశం 13 క్షిపణులను ప్రయోగించినట్లు తెలిపారు. ఉక్రెయిన్‌ వాయు రక్షణా సిబ్బంది 747 డ్రోన్లు, నాలుగు క్షిపణులను విరమించారు. అదేవిధంగా, 54 డ్రోన్లు, తొమ్మిది క్షిపణులు కీవ్ సహా 37 ప్రాంతాలను తాకినట్లు వెల్లడించారు. ఈ దాడుల్లో ఒక చిన్నారి సహా ముగ్గురు ప్రాణాలు కోల్పోయారు, పౌరులలో పదుల సంఖ్యలో గాయాలయ్యాయి.
Details
దాడులను ఖండించిన జెలెన్ స్కీ
కీవ్‌లోని మంత్రుల భవనం రష్యా దాడుల్లో పాక్షికంగా ధ్వంసమైంది. భవనంలో ఉక్రెయిన్‌ మంత్రుల నివాసాలు, కార్యాలయాలు ఉన్నాయి. ఉక్రెయిన్‌ ప్రధాని యూలియా స్వైరెదెన్కో, "భవనాన్ని పునర్నిర్మించుకోవచ్చు, కానీ ప్రాణాలను తిరిగి తీసుకురాలేం" అని ఆవేదన వ్యక్తం చేశారు. ప్రపంచ దేశాలు మాస్కోపై కఠిన ఆంక్షలు విధించాలని పిలుపునిచ్చాయి. అధ్యక్షుడు జెలెన్‌స్కీ ఈ దాడులను తీవ్రంగా ఖండించారు. రాజకీయ సంకల్పంతో రష్యా చర్యలను అడ్డుకోవచ్చని ఆయన సూచించారు. ఇక, ప్రతీకార చర్యలుగా కీవ్ రష్యాకు చెందిన ద్రుజ్హబా చమురు పైప్‌లైన్‌పై దాడులు చేపట్టింది.