Russia: ఉగ్ర సంస్థలుగా ప్రకటించిన వాటిని రద్దు చేసే హక్కు.. రష్య కొత్త చట్టం
ఈ వార్తాకథనం ఏంటి
రష్యా పలు సంస్థలపై ఉగ్రవాద ముద్రను తొలగించే దిశగా చర్యలు చేపడుతోంది.
ఈ ప్రక్రియలో భాగంగా మాస్కో కొత్త చట్టాన్ని ప్రవేశపెట్టింది, దీని ప్రకారం ఉగ్ర సంస్థల ముద్రను రద్దు చేసే అధికారం కోర్టులకు అప్పగించారు.
ఈ చట్టాన్ని పార్లమెంటు దిగువ సభ స్టేట్ డూమా ఆమోదించింది. ఈ అంశంపై పలు అంతర్జాతీయ మీడియా కథనాలు ప్రచురించాయి.
కొత్త చట్టం ప్రకారం, ఒక సంస్థ ఉగ్రవాద కార్యకలాపాలకు దూరంగా ఉందని కోర్టు గుర్తిస్తే, ఆ సంస్థలను ఉగ్ర జాబితా నుంచి తొలగించే అవకాశం ఉంది.
దీనివల్ల ఆఫ్ఘాన్ తాలిబన్లు, సిరియా తిరుగుబాటుదారులతో సంబంధాలను మెరుగుపరచేందుకు మాస్కోకు మార్గం సుగమమవుతుంది.
వివరాలు
సిరియాలో కొత్త ప్రభుత్వంతో క్రెమ్లిన్ చర్చలు
రష్యా మొదటగా 2003లో ఆఫ్ఘాన్ తాలిబన్లను ఉగ్రవాద సంస్థగా ప్రకటించింది. ఆ తర్వాత సిరియా తిరుగుబాటుదారులను కూడా జాబితాలో చేర్చింది.
సిరియాలో రెబల్స్ తిరుగుబాటుతో బషర్ అల్-అసద్ ప్రభుత్వం ఇబ్బందుల్లో పడిన సంగతి తెలిసిందే.
ఈ పరిణామాల వల్ల మాస్కో సరిహద్దు ప్రాంతాల్లో ఉన్న సైనిక స్థావరాలకు ముప్పు ఏర్పడే అవకాశం ఉంది.
హయత్ తహ్రీర్ అల్ షామ్ (HTS) వంటి సంస్థలను ఉగ్రవాద ముద్ర నుంచి తొలగించాలని కొందరు మాస్కోలో డిమాండ్ చేస్తున్నారు.
ఈ నేపథ్యంలో మాస్కో, సిరియాలోని కొత్త ప్రభుత్వంతో సంబంధాలను బలపరచేందుకు సిద్ధమవుతోంది.
క్రెమ్లిన్ సిరియాలో కొత్త ప్రభుత్వంతో ఈ వారంలో చర్చలు జరుపుతోందని అధికార వర్గాలు తెలియజేశాయి.