Donald Trump: మీడియా ముందే ట్రంప్-జెలెన్‌స్కీ మాటల యుద్ధం!
ఈ వార్తాకథనం ఏంటి
అమెరికా మాజీ అధ్యక్షుడు డొనాల్డ్ ట్రంప్ (Donald Trump) ఉక్రెయిన్ అధ్యక్షుడు వోలోదిమిర్ జెలెన్‌స్కీ (Volodymyr Zelensky) మధ్య మీడియా ఎదుటే తీవ్ర వాగ్వాదం చోటుచేసుకుంది.
'మాతో ఒప్పందం కుదుర్చుకుంటే సరే, లేదంటే మీ దారి మీరు చూసుకోండి అంటూ ట్రంప్ స్పష్టమైన హెచ్చరికలు జారీ చేశారు.
ఉక్రెయిన్‌లోని అరుదైన ఖనిజాల తవ్వకానికి అనుమతించాలన్న అమెరికా ప్రతిపాదనపై చర్చించేందుకు జెలెన్‌స్కీ శ్వేతసౌధంలో సమావేశమయ్యారు.
అయితే భవిష్యత్తులో రష్యా మరో దాడికి పాల్పడితే రక్షణ కల్పించాలంటూ జెలెన్‌స్కీ ఒత్తిడి చేయడంతో, ట్రంప్, ఉపాధ్యక్షుడు జె.డి. వాన్స్ ఆగ్రహం వ్యక్తం చేశారు.
Details
ఘాటుగా స్పందించిన జెలెన్‌స్కీ
ట్రంప్ వ్యాఖ్యలపై జెలెన్‌స్కీ కూడా ఉధృతంగా స్పందించారు. 'మా దేశంలో మేమే ఉంటాం, ఎవరికీ తలవంచం. అయినా మీ మద్దతుకు కృతజ్ఞతలు అంటూ ఘాటుగా బదులిచ్చారు.
అయితే, ఉక్రెయిన్ వ్యవహారశైలి శాంతి చర్చలకు అడ్డంకిగా మారుతుందని ట్రంప్ ఆగ్రహంగా పేర్కొన్నారు.
మీరు లక్షలాది ప్రజల జీవితాలతో చెలగాటమాడుతున్నారు. మీ చర్యల వల్ల మూడో ప్రపంచ యుద్ధం వచ్చే ప్రమాదం ఉంది అని హెచ్చరించారు.
ఈ వాగ్వాదానికి తెరదించేందుకు జె.డి. వాన్స్, జెలెన్‌స్కీకి సున్నితంగా హితవు పలికారు.
ఇలాంటి చర్చలు మీడియా ఎదుట జరగడం సరైనది కాదు. దౌత్యపరంగా పరిష్కారం కనుగొనాలని సూచించారు. అయితే, జెలెన్‌స్కీ 'దౌత్యం అంటే ఏమిటి?' అంటూ ప్రశ్నించడంతో, వాన్స్ అసహనానికి గురయ్యారు.
Details
రెండు వారాల్లో యుద్ధం ముగిసేది: ట్రంప్
ఈ సమయంలో ట్రంప్ మళ్లీ జోక్యం చేసుకుని తాము 350 బిలియన్‌ డాలర్ల ఆర్థిక సాయం, ఆయుధాలను సమకూర్చామని చెప్పారు.
కానీ మా సైనిక పరికరాలు లేకపోతే ఈ యుద్ధం రెండు వారాల్లో ముగిసేదని వ్యాఖ్యానించారు.
దీనిపై జెలెన్‌స్కీ వ్యంగ్యంగా "నిజమే! రెండు రోజుల క్రితం ఇదే మాట పుతిన్ కూడా అన్నారని బదులిచ్చారు.
జెలెన్‌స్కీ వ్యాఖ్యలకు ఆశ్చర్యపోయిన ట్రంప్ ఈ పరిస్థితుల్లో ఉక్రెయిన్‌తో వాణిజ్య సంబంధాలు కొనసాగించడం కష్టమే అని తేల్చిచెప్పారు.
Details
ఖనిజాల ఒప్పందం కుదరలేదు
ఉక్రెయిన్‌లో అరుదైన ఖనిజాల తవ్వకానికి అనుమతించాలని అమెరికా చేసిన ప్రతిపాదనపై జెలెన్‌స్కీ ఒప్పందం కుదరలేదు.
ఈ భేటీ అనంతరం, ఉక్రెయిన్‌తో ఖనిజాల ఒప్పందం ముందుకు కదిలే అవకాశాలు తగ్గిపోయాయి.
భేటీ ముగిసిన తర్వాత ట్రంప్ తన ట్రూత్‌ సోషల్ మాధ్యమంలో జెలెన్‌స్కీ రష్యాతో శాంతి ఒప్పందానికి ఆసక్తిగా లేరని వ్యాఖ్యానించారు. ఇద్దరి మధ్య జరిగిన మాటల యుద్ధం ప్రపంచ రాజకీయాల్లో చర్చనీయాంశంగా మారింది.
ఉక్రెయిన్-అమెరికా సంబంధాలు మరింత క్లిష్టతరమవుతాయా? రష్యా-ఉక్రెయిన్ యుద్ధ పరిణామాలు ఎలా మారతాయనేదే ఇప్పుడు ఆసక్తికరమైన అంశంగా మారింది.