Earthquake: : కాలిఫోర్నియాలో భూకంపం..సునామీ హెచ్చరిక జారీ
ఉత్తర కాలిఫోర్నియాలోని తీర ప్రాంతంలో గురువారం ఉదయం 10.44 గంటలకు (స్థానిక కాలమానం ప్రకారం) భారీ భూకంపం సంభవించింది. ఈ భూకంపం తీవ్రత రిక్టర్ స్కేలుపై 7కు పైగా నమోదైందని అమెరికా భూ సర్వేక్షణ విభాగం వెల్లడించింది. ఈ ఘటనను అనుసరించి జాతీయ సునామీ కేంద్రం సునామీ హెచ్చరికలను జారీ చేసింది. భూకంప ప్రభావంతో పెట్రోలియా, స్కాటియా, కాబ్ వంటి ప్రాంతాల్లో శక్తివంతమైన ప్రకంపనలు చోటుచేసుకున్నాయి. అయితే, ఈ భూకంపం వల్ల ప్రాణ, ఆస్తి నష్టాల వివరాలు ఇంకా అందుబాటులోకి రాలేదు.
