Boat Capsize:శాన్ డియాగో బీచ్‌లో పడవ బోల్తా.. ముగ్గురు మృతి,ఇద్దరు భారతీయ చిన్నారులు మిస్సింగ్
ఈ వార్తాకథనం ఏంటి
అమెరికాలో శాన్ డియాగో నగరానికి సమీపంగా ఉన్న పసిఫిక్ మహాసముద్ర తీర ప్రాంతంలో శరణార్థులు ప్రయాణిస్తున్న ఓ బోటు బోల్తా పడిన విషాదకర ఘటన చోటుచేసుకుంది.
ఈ ప్రమాదంలో ముగ్గురు వ్యక్తులు ప్రాణాలు కోల్పోయారు. మరో ఏడుగురు గల్లంతైనట్టు సమాచారం.
ఆ గల్లంతైన వారిలో ఇద్దరు భారతీయ చిన్నారులు కూడా ఉన్నారని తెలుస్తోంది.
కాలిఫోర్నియా రాష్ట్రంలోని శాన్ డియాగోకు సుమారు 15 మైళ్ల దూరంలో ఈ బోటు మొత్తం 16 మందితో ప్రయాణిస్తున్న సమయంలో ఈ ప్రమాదం జరిగింది.
వివరాలు
బోటులో అక్రమంగా మనుషుల రవాణా
ఈ ఘటనపై శాన్ ఫ్రాన్సిస్కోలో ఉన్న భారత దౌత్య కార్యాలయం స్పందించింది.
ఈ విషాద ఘటనలో భారతీయ కుటుంబం కూడా ఉన్నట్టు వారు తెలిపారు.
భారతీయ మూలాలు ఉన్న ఇద్దరు చిన్నారులు ఇప్పటికీ గల్లంతైన్నట్టు గుర్తించినట్టు చెప్పారు.
అయితే, ఆ పిల్లల తల్లిదండ్రులు ప్రస్తుతానికి ఆసుపత్రిలో చికిత్స పొందుతున్నారని పేర్కొన్నారు.
భారతీయ కుటుంబానికి అన్ని విధాలా సహాయాన్ని అందిస్తున్నామని, ఇందుకు సంబంధించి స్థానిక అధికారులతో సమన్వయం చేసుకుంటున్నామని భారత కాన్సులేట్ వెల్లడించింది.
ఈ బోటులో అక్రమంగా మనుషులను రవాణా చేస్తున్నట్టు కోస్టుగార్డ్ అధికారులు పేర్కొన్నారు.
ట్విట్టర్ పోస్ట్ చేయండి
భారత దౌత్య కార్యాలయం చేసిన ట్వీట్
We are very sad to know about the tragic incident of a boat capsizing near Torrey Pines State Beach, off the coast near San Diego, California, this morning. As per available information, three people died, nine went missing, and four were injured in the incident. An Indian…
— India in SF (@CGISFO) May 5, 2025