Strait of Hormuz : హర్మూజ్లో నిలిచిన నౌకలకు ఊరట.. ఒప్పందం దిశగా అడుగులు
ఈ వార్తాకథనం ఏంటి
ప్రపంచ ఇంధన రవాణాకు అత్యంత కీలకమైన హర్మూజ్ జలసంధిని తిరిగి తెరవడానికి అమెరికా, ఇరాన్ దేశాలు ఒప్పందానికి వచ్చినట్లు సమాచారం వెలువడుతోంది. ఈ విషయాన్ని సౌదీ అరేబియా ప్రభుత్వానికి చెందిన అల్ అరేబియా మీడియా కథనం వెల్లడించింది. అమెరికా నౌకాదళం విధించిన దిగ్బంధనం క్రమంగా తొలగించే ప్రక్రియలో భాగంగా, దశల వారీగా జలసంధిని తెరవాలని ఇరు దేశాలు అంగీకరించినట్లు పేర్కొంది. ఇదిలా ఉండగా, రానున్న కొన్ని గంటల్లో హర్మూజ్ జలసంధిలో నిలిచిపోయిన నౌకలను విడుదల చేయనున్నట్లు సంబంధిత వర్గాలు తెలిపాయి.
వివరాలు
యుద్ధం త్వరలో ముగిసే అవకాశం: ట్రంప్
ఇరాన్తో ఒప్పందం కుదిరే అవకాశాలపై అమెరికా అధ్యక్షుడు ట్రంప్ ఇప్పటికే ఆశాభావం వ్యక్తం చేసిన విషయం తెలిసిందే. చర్చలు సానుకూలంగా సాగుతున్నాయని, యుద్ధం త్వరలో ముగిసే అవకాశముందని ఆయన పేర్కొన్నారు. ఫిబ్రవరి 28న అమెరికా-ఇజ్రాయెల్, ఇరాన్ మధ్య యుద్ధం ప్రారంభమైన తర్వాత హర్మూజ్ జలసంధిలో నౌకల రాకపోకలు తీవ్రంగా దెబ్బతిన్నాయి. దీని ప్రభావం ప్రపంచ ఇంధన సరఫరాపై స్పష్టంగా కనిపిస్తోంది.