US President salary: అమెరికా అధ్యక్షుడిగా డొనాల్డ్ ట్రంప్ కి సకల సదుపాయాలు.. వేతనం, ఇతర సౌకర్యాలు ఇలా..
ఈ వార్తాకథనం ఏంటి
అగ్రరాజ్యం అయిన అమెరికాకు తదుపరి అధ్యక్షుడు ఎవరో అన్న ప్రశ్నపై ప్రపంచదేశాలన్నీ ఆసక్తిగా ఎదురుచూసాయి.
బహుశా ఏ దేశాధ్యక్ష ఎన్నికకూ ఇంతటి ఆసక్తి ఉండదూ అంటే అతిశయోక్తి కాదు.
అలాంటి దేశానికి అధ్యక్షుడిగా ఎన్నికైన వారికి అందించే సదుపాయాలు కూడా అత్యున్నత స్థాయిలో ఉంటాయి.
శ్వేత సౌధంలో ఉండే భద్రతా సిబ్బంది, అధిక వేతనం, 24/7 భద్రత తదితర అంశాలు అందరికీ తెలిసినవి.
మరి, అధ్యక్షుడిగా ఎన్నికైన డొనాల్డ్ ట్రంప్‌కు ఏమేమి సదుపాయాలు అందబోతున్నాయో చూద్దాం.
వివరాలు
అమెరికా అధ్యక్షుడికి వార్షికంగా 4 లక్షల డాలర్ల వేతనం
అమెరికా అధ్యక్షుడు వార్షికంగా 4 లక్షల డాలర్ల వేతనం అందుకుంటారు. భారతీయ కరెన్సీలో ఇది దాదాపు రూ. 3.3 కోట్లకు సమానం.
ఈ మొత్తం 2001లో అమెరికా కాంగ్రెస్ నిర్ణయించింది. అప్పటి నుండి వేతనంలో ఎటువంటి మార్పులు లేవు.
సింగపూర్‌ ప్రధాని అందుకునే 16 లక్షల డాలర్లలో ఇది నాలుగో వంతు మాత్రమే!
అమెరికా అధ్యక్షుడిగా రిటైరయ్యాక ఏడాదికి 2 లక్షల డాలర్లు లభిస్తాయి. అదనంగా 1 లక్ష డాలర్లు అలవెన్సు రూపంలో అందుతాయి.
వివరాలు
అమెరికా అధ్యక్షుడికి ప్రతి సంవత్సరం సుమారు 5.69లక్షల డాలర్లు
అమెరికా అధ్యక్షుడికి వేతనంతో పాటు వ్యక్తిగత, అధికారిక ఖర్చుల కోసం ఏటా పన్ను రహితంగా 50 వేల డాలర్లు అందుతాయి.
ప్రయాణ ఖర్చుల కోసం మరో లక్ష డాలర్లు, వినోదం కోసం మరో 19వేల డాలర్లు అందుతాయి.
ఈ మొత్తాన్ని మొత్తం కలిపితే, అమెరికా అధ్యక్షుడికి ప్రతి సంవత్సరం సుమారు 5.69లక్షల డాలర్లు లభిస్తాయి.
అధ్యక్షుడిగా శ్వేత సౌధంలో అడుగు పెట్టడానికి ముందు అందించే డెకరేట్(సోషల్,ఆడ్మినిస్ట్రేటివ్ ఖర్చులు)కు మరో లక్ష డాలర్లు ఖర్చవుతాయి.
అమెరికా అధ్యక్షుడి అధికారిక నివాసం శ్వేత సౌధం. ఇది 6 అంతస్తుల భవనంగా 1800లో నిర్మించబడింది.
కాలక్రమేణా అనేక మార్పులు, హంగులు జోడించబడ్డాయి. 55,000 చదరపు అడుగుల కలిగిన ఈ భవనంలో 132 గదులు, 35 బాత్‌రూములు ఉన్నాయి.
వివరాలు
బ్లెయిర్ హౌస్ అతిథి గృహం
ఇందులో టెన్నిస్ కోర్టు, జాగింగ్ ట్రాక్, సినిమా థియేటర్, స్విమ్మింగ్ పూల్ వంటివి ఉంటాయి. అధ్యక్షుడికి విందు ఇవ్వడానికి ఐదు చెఫ్‌లు ప్రతిరోజూ పనిచేస్తుంటారు.
శ్వేత సౌధం కాకుండా, బ్లెయిర్ హౌస్ అనే అతిథి గృహం కూడా ఉంటుంది. ఇది 70,000 చదరపు అడుగుల విస్తీర్ణంతో, 119 గదులు, 20 బెడ్‌రూములు, 35 బాత్‌రూములు, 4 డైనింగ్ హాల్స్, జిమ్, సెలూన్ వంటివి కలిగిన భవనంగా ఉంటుంది.
అలాగే, క్యాంప్ డేవిడ్ అనే పర్వత విడిది కేంద్రం కూడా అందుబాటులో ఉంటుంది.
ఇది మేరీల్యాండ్ రాష్ట్రంలో 128 ఎకరాల విస్తీర్ణంలో ఉంది. ప్రతి అధ్యక్షుడు దీనిని వినియోగిస్తున్నారు. ఇక్కడే ఇజ్రాయెల్, ఈజిప్టుల మధ్య ఒప్పందం కూడా జరిగింది.
వివరాలు
అధ్యక్షుడితో పాటు కుటుంబ సభ్యుల భద్రత కోసం 24/7 సీక్రెట్ సర్వీస్‌
అమెరికా అధ్యక్షుడి ప్రత్యేక విమానం 'ఎయిర్‌ఫోర్స్‌ వన్' చాలా సౌకర్యాలతో ఉంటుంది. దీనికి గాల్లోనే ఇంధనాన్ని నింపే సామర్థ్యం ఉంది.
దాన్ని "ఎగిరే శ్వేత సౌధం" అని కూడా అంటారు. అధికారిక హెలికాప్టర్ 'మెరైన్‌ వన్' గంటకు 241 కిలోమీటర్ల వేగంతో ప్రయాణిస్తుంది. ఇది ఒకటైన 5 హెలికాప్టర్ల జాబితాలో ఉంటుంది, అన్నిటికీ ప్రాముఖ్యమైన భద్రతా వ్యవస్థలు ఉంటాయి.
అమెరికా అధ్యక్షుడి ప్రయాణం కోసం 'బీస్ట్' అనే కారును ఉపయోగిస్తారు. దీనిని అత్యున్నత భద్రతా ప్రమాణాలతో తయారుచేశారు.
ప్రతి దేశంలో, అధ్యక్షుడితో పాటు కుటుంబ సభ్యుల భద్రత కోసం 24/7 సీక్రెట్ సర్వీస్‌ భద్రత ఉంటుంది.