Vivek Ramaswamy: అమెరికా అధ్యక్షుడిగా ట్రంప్ ప్రమాణం వేళా కీలక పరిణామం.. 'డోజ్' నుంచి వైదొలిగిన వివేక్ రామస్వామి
ఈ వార్తాకథనం ఏంటి
అమెరికా 47వ అధ్యక్షుడిగా డొనాల్డ్ ట్రంప్ ప్రమాణస్వీకారం చేసిన తర్వాత, భారత-అమెరికన్ వ్యాపారవేత్త వివేక్ రామస్వామి కీలక నిర్ణయం తీసుకున్నారు.
ట్రంప్ తన కేబినెట్‌లో భాగంగా నియమించిన డోజ్ (డిపార్ట్‌మెంట్‌ ఆఫ్‌ గవర్నమెంట్‌ ఎఫిషియెన్సీ) బాధ్యతల నుండి ఆయన తప్పుకుంటున్నట్టు వెల్లడించారు.
వివేక్ రామస్వామి ఈ నిర్ణయం తీసుకున్న విషయం ముఖ్యంగా, ఒహియో గవర్నర్‌గా పోటీ చేయడానికి సన్నద్ధమవుతూ ఉండటంతో సంబంధం కలిగి ఉన్నట్లు తెలుస్తోంది.
ఈ క్రమంలో, అతను ఈ నిర్ణయాన్ని తీసుకున్నట్లు తెలుస్తోంది.
వివరాలు
రాజకీయ వర్గాల్లో ఆసక్తికరంగా వివేక్ రామస్వామి నిర్ణయం
ఈ మేరకు, వివేక్ రామస్వామి తన ఎక్స్ వేదికలో చేసిన వ్యాఖ్యలలో, "డోజ్ ఏర్పాటుకు సపోర్టు ఇవ్వడం నా గౌరవం" అని అన్నారు.
"ప్రభుత్వాన్ని క్రమబద్ధీకరించడంలో ఎలాన్‌ మస్క్‌ టీమ్ విజయం సాధిస్తుందని నేను నమ్ముతున్నాను. ఒహియోలో నా భవిష్యత్ ప్రణాళికల గురించి త్వరలోనే మరిన్ని వివరాలను తెలియజేస్తాను. ముఖ్యంగా, అధ్యక్షుడు ట్రంప్ అమెరికాను మళ్లీ గొప్పగా మార్చడానికి తన వంతు సహాయం చేయడానికి రెడీగా ఉన్నాను" అని ఆయన తెలిపారు.
ఈ ప్రకటనతో, వివేక్ రామస్వామి తీసుకున్న నిర్ణయం ప్రస్తుతం రాజకీయ వర్గాల్లో ఆసక్తికరంగా మారింది.
ట్విట్టర్ పోస్ట్ చేయండి
వివేక్ రామస్వామి చేసిన ట్వీట్
It was my honor to help support the creation of DOGE. I’m confident that Elon & team will succeed in streamlining government. I’ll have more to say very soon about my future plans in Ohio. Most importantly, we’re all-in to help President Trump make America great again! 🇺🇸 https://t.co/f1YFZm8X13
— Vivek Ramaswamy (@VivekGRamaswamy) January 20, 2025