Diamond: 2023లో బైడెన్ దంపతులకు మోదీ ఇచ్చిన అత్యంత ఖరీదైన బహుమతి ఏంటో తెలుసా..?
ఈ వార్తాకథనం ఏంటి
అమెరికా అధ్యక్ష పదవికి మరికొన్ని రోజుల్లో వీడ్కోలు చెప్పనున్న జో బైడెన్ (Joe Biden) వివిధ దేశాల ప్రముఖుల నుంచి విలువైన బహుమతులు స్వీకరించినట్లు సమాచారం.
తమ అధికారిక పర్యటనల సందర్భంగా విదేశీ ప్రముఖులు, ముఖ్యంగా అధ్యక్షుడు జో బైడెన్‌తోపాటు ఫస్ట్ లేడీ జిల్ బైడెన్ (Jill Biden)కు ఖరీదైన బహుమతులు అందించారు.
వీటిలో భారత ప్రధాన మంత్రి నరేంద్ర మోదీ (PM Modi) జిల్ బైడెన్‌కు అందించిన బహుమతి అత్యంత ఖరీదైనదిగా నిలిచింది.
2023 జూన్‌లో ప్రధాని మోదీ అమెరికా పర్యటనకు వచ్చిన సమయంలో, వాషింగ్టన్ డీసీలోని శ్వేతసౌధంలో జో బైడెన్ మోదీకి ఘన విందు ఏర్పాటు చేశారు.
ఈ సందర్భంలో మోదీ, బైడెన్ దంపతులకు అరుదైన బహుమతులు అందజేశారు.
వివరాలు
డైమండ్ విలువ సుమారు 20 వేల అమెరికన్ డాలర్లు
ఇందులో భాగంగా, 7.5 క్యారెట్ల విలువైన గ్రీన్ డైమండ్‌ను జిల్ బైడెన్‌కు కానుకగా ఇచ్చారు.
దీని విలువ సుమారు 20 వేల అమెరికన్ డాలర్లు (మన భారత కరెన్సీలో రూ.17.15 లక్షలు) అని అంచనా.
2023లో బైడెన్ దంపతులు అందుకున్న బహుమతుల్లో ఇది అత్యంత ఖరీదైనదిగా పేర్కొనబడింది.
ఈ 7.5 క్యారెట్ల గ్రీన్ డైమండ్ పరిశోధనశాలలో అభివృద్ధి చేయబడింది.ఇది భూమి నుంచి స్వాభావికంగా లభించే వజ్రం లక్షణాలను కలిగి ఉంది.
దీనిని పర్యావరణహిత పద్ధతిలో, సౌర శక్తి, పవన విద్యుత్తు సహాయంతో రూపొందించారు.
వివరాలు
కాగితపు గుజ్జుతో తయారు చేసిన చిన్న పెట్టెలో వజ్రాన్ని ఉంచారు
ఈ విలువైన వజ్రాన్ని ప్రత్యేకంగా కాగితపు గుజ్జుతో తయారు చేసిన చిన్న పెట్టెలో ఉంచి జిల్ బైడెన్‌కు అందజేశారు.
అదనంగా, జిల్‌కు యూఎస్‌లోని ఉక్రేనియన్ రాయబారిని నుంచి విలువైన బ్రూచ్‌ కూడా బహుమతిగా అందింది, దీని విలువ 14 వేల అమెరికన్ డాలర్లు.
2023లో అధ్యక్షుడు జో బైడెన్ దంపతులు పొందిన విలువైన బహుమతుల వివరాలను యునైటెడ్ స్టేట్స్ చీఫ్ ఆఫ్ ప్రొటోకాల్ కార్యాలయం తాజాగా విడుదల చేసింది.