White House: ఎప్‌స్టీన్‌ ఫైల్స్‌.. అవి ఫేక్‌న్యూస్‌కు కొనసాగింపు:స్పందించిన వైట్ హౌస్
ఈ వార్తాకథనం ఏంటి
ఎప్‌స్టీన్‌ ఫైల్స్‌లో తన పేరు ఉందని వచ్చిన వార్తలపై అమెరికా అధ్యక్షుడు డొనాల్డ్ ట్రంప్‌కు ముందుగానే సమాచారం ఉందన్న ఆరోపణలను శ్వేతసౌధం ఖండించింది. సోమవారం ఓ ప్రకటనలో శ్వేతసౌధ ప్రతినిధి మాట్లాడుతూ, ఇవన్నీ డెమొక్రటిక్ పార్టీ నాయకులు, లిబరల్ మీడియా కల్పించుకున్న తప్పుడు కథనాల ప్రచారానికి మాత్రమే పరిమితమని చెప్పారు. అమెరికా న్యాయమూర్తి ఒకరు ఫ్లోరిడా కోర్టు ఎప్‌స్టీన్‌ ఫైల్స్‌ను బహిర్గతం చేయాలన్న ప్రయత్నాన్ని తిరస్కరించిన నేపథ్యంలో శ్వేతసౌధం ఈవిధంగా స్పందించింది.
వివరాలు
ఎప్‌స్టీన్‌ ఫైల్స్‌లో ట్రంప్‌ పేరు
ఇక మరోవైపు, ప్రముఖ వార్తాపత్రిక వాల్‌స్ట్రీట్‌ జర్నల్‌ తాజాగా ఓ కథనంలో ట్రంప్‌ పేరు ఎప్‌స్టీన్‌ ఫైల్స్‌లో పలుమార్లు, ఇతర హైప్రొఫైల్‌ వ్యక్తులతో కలిసి ప్రస్తావించినట్లు పేర్కొంది. అంతేకాక, అమెరికా అటార్నీ జనరల్ పామ్ బాండీ ఈ ఏడాది ఫిబ్రవరిలో జరిగిన ఒక సాధారణ బ్రీఫింగ్‌ సమయంలో ఎప్‌స్టీన్‌ ఫైల్స్‌లో ట్రంప్‌ పేరు ఉన్న విషయాన్ని ఆయనకు తెలియజేశారని ఆ కథనంలో పేర్కొంది. అయితే, చైల్డ్‌ పోర్నోగ్రఫీ,బాధితుల వ్యక్తిగత సమాచారం మాత్రం ప్రజలకు వెల్లడించలేమని అప్పట్లో పేర్కొన్న విషయాన్ని కూడా ఆ కథనంలో చేర్చారు. ఈ కథనాన్ని తరువాత అమెరికాలోని అనేక మీడియా సంస్థలు రిపోర్ట్ చేశాయి.
వివరాలు
10 బిలియన్ డాలర్ల విలువైన పరువు నష్టం దావా
అంతేగాక, అత్యంత సంపన్న ఫైనాన్షియర్‌గా గుర్తింపు పొందిన, సెక్స్ ట్రాఫికింగ్ కేసులో ఆరోపణలు ఎదుర్కొన్న జెఫ్రీ ఎప్‌స్టీన్‌తో తన సన్నిహిత సంబంధాల్ని బయటపెట్టిన కథనాన్ని ప్రచురించిన వాల్‌స్ట్రీట్‌ జర్నల్‌ పత్రికతో పాటు, మీడియా రంగానికి చెందిన ప్రముఖుడైన రూపర్ట్ మర్దోక్‌పై ట్రంప్‌ ఇప్పటికే 10 బిలియన్ డాలర్ల విలువైన పరువు నష్టం దావా వేసిన సంగతి విదితమే.