Zelenskyy: యుద్ధాన్ని ముగించి శాంతి చర్చలకు వచ్చేందుకు పుతిన్ భయపడుతున్నారు: ఉక్రెయిన్ అధ్యక్షుడు జెలెన్స్కీ
ఈ వార్తాకథనం ఏంటి
మూడేళ్లుగా ఉక్రెయిన్-రష్యా మధ్య యుద్ధం కొనసాగుతోంది. ఈ నేపథ్యంలో, దీనికి ముగింపు పలకడం గురించి ఉక్రెయిన్ అధ్యక్షుడు వోలోదిమిర్ జెలెన్స్కీ చర్చలు నిర్వహించేందుకు సిద్ధంగా ఉన్నట్టు ప్రకటించారు.
అయితే, రష్యా అధ్యక్షుడు వ్లాదిమిర్ పుతిన్ ఈ ప్రతిపాదనను తిరస్కరించారు.
ఈ పరిణామంపై స్పందించిన జెలెన్స్కీ, "పుతిన్ బలమైన నాయకులకూ, చర్చలకూ భయపడతారని మరోసారి స్పష్టమైంది. యుద్ధాన్ని కొనసాగించేందుకు ఆయన తన వంతు ప్రయత్నాలు చేస్తున్నారు. ప్రతి వ్యూహం, ప్రతి కదలిక యుద్ధాన్ని మరింత తీవ్రతరం చేసేలా ఉంది. 2014లోనే రష్యా ఉక్రెయిన్‌పై దాడి ప్రారంభించింది. 2022లో అది మరింత విస్తరించింది. ఇప్పుడు శాంతి స్థాపనకు అవకాశమున్నా, పుతిన్ ఆ దిశగా ముందుకు రావడం లేదు" అని తెలిపారు.
వివరాలు
జెలెన్‌స్కీతో చర్చలు జరగవు - పుతిన్
అంతేకాదు, "పుతిన్ వద్ద ప్రపంచ స్థిరత్వాన్ని దెబ్బతీయగల శక్తి ఉన్నా, బలమైన నాయకుల ఒత్తిడిని ఎదుర్కొనే స్థైర్యం లేదు. అందుకే మనం ఐక్యంగా, వ్యవహరించాలి. శాంతిని కోరేవారంతా కలిసి రష్యాపై ఒత్తిడి పెంచాలి. అప్పుడు మాత్రమే నిజమైన శాంతిని సాధించగలం" అంటూ జెలెన్స్కీ ఎక్స్ వేదికగా పోస్ట్ చేశారు.
దీనికి ప్రత్యుత్తరంగా, రష్యా అధ్యక్షుడు పుతిన్, ఉక్రెయిన్‌తో శాంతి చర్చలు సాధ్యమేనని పేర్కొన్నారు. అయితే, జెలెన్‌స్కీతో తాము చర్చలకు రావడం అసాధ్యమని స్పష్టం చేశారు.
"ఉక్రెయిన్‌తో చర్చలు జరిపి రాజీకి రావాలనుకుంటున్నాం.కానీ,ప్రస్తుత అధ్యక్షుడితో అలా జరగదు. మా ప్రయోజనాలను దృష్టిలో ఉంచుకుని మాత్రమే ముందుకు సాగుతాం. పాశ్చాత్య దేశాలు ఉక్రెయిన్‌కు సహాయాన్ని నిలిపివేస్తే, ఈ యుద్ధం రెండునెలల్లోనే ముగుస్తుంది" అని పుతిన్ వ్యాఖ్యానించారు.
వివరాలు
ట్రంప్ హామీ: యుద్ధానికి ముగింపు
అమెరికా మాజీ అధ్యక్షుడు డొనాల్డ్ ట్రంప్ కూడా ఇప్పటికే పలుమార్లు ఉక్రెయిన్-రష్యా యుద్ధాన్ని ముగిస్తానని ప్రకటించారు.
"ఈ యుద్ధం అసలు ప్రారంభమవ్వకూడదనే విషయం స్పష్టంగా తెలుసుకోవాలి. నేను అధ్యక్షుడిగా ఉన్నట్లయితే, ఈ సంక్షోభమే రాదు. అయితే, ఇప్పుడు దీనికి త్వరలోనే ముగింపు పలుకుతాను. శాంతి చర్చలకు ఇరుదేశాల నాయకులు ముందుకు రావాలి. రష్యా చర్చలకు అంగీకరించకపోతే, వారికి గట్టి ఆంక్షలు విధిస్తాను" అని ట్రంప్ హెచ్చరించారు.