Import of cars: సుంకం లేకుండా భారత్‌లోకి కార్ల దిగుమతి!
ఈ వార్తాకథనం ఏంటి
అమెరికా, భారత్‌ మధ్య ద్వైపాక్షిక వాణిజ్య ఒప్పందంపై సంప్రదింపులు కొనసాగుతున్న విషయం తెలిసిందే.
ఈ క్రమంలో, "భారత్‌లోకి కార్లను సుంకం లేకుండా దిగుమతి చేసుకోవాలని" అమెరికా కోరే అవకాశముందని భావిస్తున్నారు.
అయితే, భారత్‌ మాత్రం దిగుమతి సుంకాన్ని పూర్తిగా రద్దు చేయకుండా, దశలవారీగా తగ్గించే దిశగా చర్యలు తీసుకునే అవకాశముందని విశ్వసనీయ వర్గాలు తెలియజేశాయి.
ప్రస్తుతం, భారత్‌లో కార్ల దిగుమతి సుంకం 110 శాతంగా ఉండటం గమనార్హం.
ఈ అంశంపై అమెరికా అధ్యక్షుడు డొనాల్డ్‌ ట్రంప్‌, విద్యుత్తు కార్ల దిగ్గజం టెస్లా అధిపతి ఎలాన్ మస్క్‌ పలుమార్లు అసంతృప్తి వ్యక్తం చేశారు.
భారత్‌ మార్కెట్లోకి ప్రవేశించేందుకు టెస్లా ఆసక్తి కనబర్చుతున్నప్పటికీ, అధిక దిగుమతి సుంకాల కారణంగా వెనుకంజ వేస్తోంది.
వివరాలు
ఎలాన్ మస్క్‌ కు ట్రంప్‌ మద్దతు
కార్ల దిగుమతిపై సుంకాలను తగ్గించాలని ఎలాన్ మస్క్‌ చేస్తున్న డిమాండ్‌కు ప్రస్తుతం అమెరికా అధ్యక్షుడు ట్రంప్‌ మద్దతుగా నిలిచారు.
ద్వైపాక్షిక చర్చలలో వాహన టారిఫ్‌లు కీలక అంశంగా మారే అవకాశముంది.
భారత్‌ ఈ విషయంపై అమెరికా అభిప్రాయాలను పూర్తిగా తోసిపుచ్చకుండా, దేశీయ పరిశ్రమల ప్రతినిధులతో చర్చించి తగిన నిర్ణయం తీసుకునే అవకాశముందని సంబంధిత వర్గాలు పేర్కొన్నాయి.