Ola Electric: కొత్త BOSS ఆఫర్లను ప్రకటించిన ఓలా ఎలక్ట్రిక్.. S1 పోర్ట్ ఫోలియోపై రూ.20,000 వరకు తగ్గింపు
పండుగ సీజన్ ను పురస్కరించుకొని, భారతదేశంలో అతిపెద్ద ప్యూర్-ప్లే ఈవీ కంపెనీ అయిన ఓలా ఎలక్ట్రిక్, తన 'బిగ్గెస్ట్ ఓలా సీజన్ సేల్ - BOSS' క్యాంపెయిన్ లో భాగంగా పలు కొత్త ఆఫర్లను ప్రకటించింది. వినియోగదారులు ఇప్పుడు S1 పోర్ట్‌ఫోలియోపై రూ. 20,000 వరకు తగ్గింపులను పొందవచ్చు, అలాగే రూ. 25,000 వరకు అదనపు ప్రయోజనాలను కూడా పొందవచ్చు. ఈ పండుగ సీజన్‌లో ఈవీకి మారేందుకు ఇదే సరైన సమయమని ఈ ఆఫర్లు చెప్పకనే చెబుతున్నాయి.
'బాస్' క్యాంపెయిన్ లో భాగంగా లభ్యమయ్యే ప్రయోజనాలు
బాస్ ధరలు: ఓలా S1 పోర్ట్‌ఫోలియో కేవలం రూ. 74,999 ప్రారంభ ధరతో అందుబాటులో ఉంది. బాస్ డిస్కౌంట్లు: మొత్తం S1 పోర్ట్‌ఫోలియోపై రూ. 20,000 వరకు తగ్గింపు. రూ. 25,000 విలువైన అదనపు ప్రయోజనాలు బాస్ వారంటీ: రూ. 7,000 విలువైన 8 ఏళ్ల/80,000 కిమీ బ్యాటరీ వారంటీ ఉచితంగా. బాస్ ఫైనాన్స్ ఆఫర్లు: ఎంపిక చేసిన క్రెడిట్ కార్డ్ ఈఎంఐలపై రూ. 5,000 వరకు ఫైనాన్స్ ఆఫర్లు. అదనపు బాస్ ప్రయోజనాలు: రూ. 6,000 విలువైన ఉచిత MoveOS+ అప్‌గ్రేడ్; రూ. 7,000 విలువైన ఉచిత ఛార్జింగ్ క్రెడిట్స్.
#HyperService క్యాంపెయిన్
ఓలా ఎలక్ట్రిక్ తన విస్తృతమైన S1 పోర్ట్‌ఫోలియోలో మొత్తం ఆరు ఉత్పత్తులను అందిస్తుంది.ఇవి వివిధ అవసరాలు ఉన్న వినియోగదారులకు ఆకర్షణీయమైన ధరలతో అందుబాటులో ఉన్నాయి. S1 Pro మరియు S1 Air వంటి ప్రీమియం ఉత్పత్తులు వరుసగా రూ. 1,34,999 మరియు రూ. 1,07,499 వద్ద లభిస్తాయి. మాస్ మార్కెట్ కోసం S1 X సిరీస్ (2 kWh, 3 kWh, ,4 kWh) ను రూ. 74,999, రూ. 87,999, రూ. 1,01,999 లో కొనుగోలు చేయవచ్చు. ఓలా ఎలక్ట్రిక్ ఇటీవల #HyperService క్యాంపెయిన్ ను ప్రారంభించింది. ఈ క్యాంపెయిన్ లో భాగంగా,కంపెనీ ఈ ఏడాది చివరి నాటికి తన సర్వీస్ నెట్‌వర్క్‌ను 1,000 కేంద్రాలకు రెట్టింపు చేయాలని లక్ష్యంగా పెట్టుకుంది.
రోడ్‌స్టర్ మోటార్‌సైకిల్ సిరీస్
అంతేకాకుండా,భారతదేశమంతటా తన విక్రయాలు,సేవా నెట్‌వర్క్‌ను విస్తరించడానికి 'నెట్‌వర్క్ పార్టనర్ ప్రోగ్రామ్‌'ను ప్రకటించింది. 2025 చివరి నాటికి 10,000 నెట్‌వర్క్ కేంద్రాలను స్థాపించాలన్నది ఓలా ఎలక్ట్రిక్ యోచన. అదనంగా,ఈవీలకు సంబంధించి 100,000 థర్డ్-పార్టీ మెకానిక్‌లకు శిక్షణ ఇవ్వడానికి ఓలా లక్ష్యంగా పెట్టుకుంది, తద్వారా దేశవ్యాప్తంగా ఈవీ సేవలను విస్తరించగలుగుతుంది. ఆగస్టు 2024లో జరిగిన వార్షిక 'సంకల్ప్'ఈవెంట్‌లో,ఓలా ఎలక్ట్రిక్ రోడ్‌స్టర్ మోటార్‌సైకిల్ సిరీస్‌ను విడుదల చేసింది. ఈ సిరీస్‌లో రోడ్‌స్టర్ X (2.5 kWh, 3.5 kWh, 4.5 kWh),రోడ్‌స్టర్ (3.5 kWh, 4.5 kWh, 6 kWh),రోడ్‌స్టర్ ప్రో (8 kWh, 16 kWh) మోడల్స్ ఉన్నాయి. వాటి ప్రారంభ ధరలు వరుసగా రూ. 74,999 నుండి రూ. 1,99,999 వరకు ఉంటాయి.
