Black Monday 2.0: 1987 మార్కెట్ క్రాష్‌లో ఏం జరిగింది? నిపుణులు మరో 'రక్తపాతం' గురించి ఎందుకు హెచ్చరిస్తున్నారు
ఈ వార్తాకథనం ఏంటి
అమెరికా అధ్యక్షుడు డొనాల్డ్ ట్రంప్ పరిస్థితి ఇప్పుడు,కోరి కొరివితో తలగోక్కునట్లు అనిపిస్తోంది.
ఆయన ప్రారంభించిన వాణిజ్య యుద్ధం ప్రభావంతో సోమవారం ప్రపంచ వ్యాప్తంగా ఉన్న ప్రధాన స్టాక్ మార్కెట్ సూచీలు ఏకంగా లాభాలను కోల్పోయాయి.
దాదాపు 90 దేశాలపై ట్రంప్ ప్రతీకారంగా అధిక దిగుమతి పన్నులను విధించడంతో పెట్టుబడిదారులు ఆందోళనకు లోనయ్యారు.
జపాన్, దక్షిణ కొరియా, చైనా, హాంకాంగ్, తైవాన్, భారత్ వంటి ఆసియా దేశాల సూచీలు 3 శాతం నుంచి 10 శాతం వరకు నష్టాల్లో మునిగిపోయాయి.
వివరాలు
బ్లాక్ మండే మళ్లీ వస్తుందా?
అమెరికా మార్కెట్ వ్యాఖ్యాత, హార్వర్డ్ లా గ్రాడ్యుయేట్‌ జిమ్ క్రెమెర్ 1987 బ్లాక్ మండే మళ్లీ రాబోతుందనే సంచలన వ్యాఖ్య చేశారు.
దీంతో పెట్టుబడిదారులు భయంతో వణికిపోయారు. ట్రంప్ వెంటనే సహకారం చూపుతున్న దేశాలతో చర్చలు జరిపి ఈ ప్రతీకార పన్నులను ఎత్తేయాలని ఆయన సూచించారు.
నియమ నిబంధనలు పాటిస్తున్న సంస్థలకు ఉపశమనం కల్పించకపోతే, ఇప్పటికే మూడు రోజులుగా మార్కెట్ నష్టాల్లో ఉంది, సోమవారం బ్లాక్ మండే పునరావృతమయ్యే అవకాశం ఉందని హెచ్చరించారు.
వివరాలు
బ్లాక్ మండే నేపథ్యం ఏమిటి?
1987 అక్టోబర్ 19ను 'బ్లాక్ మండే'గా ప్రపంచవ్యాప్తంగా గుర్తించబడింది. ఆ ఒక్క రోజే అమెరికా డౌ జోన్స్ ఇండస్ట్రియల్ అవరేజ్ సూచీ ఏకంగా 22.6 శాతం పతనమయ్యింది.
ఎస్‌అండ్‌పీ 500 సూచీ కూడా 30 శాతం వరకు విలువ కోల్పోయింది. ఇది యుఎస్ మార్కెట్‌తో పాటు ప్రపంచ మార్కెట్లకూ తీవ్ర ప్రభావం చూపింది.
ఆస్ట్రేలియా, ఆసియా, ఐరోపా మార్కెట్లు వణికిపోయాయి. ఈ ప్రభావం దాదాపు నెల రోజులపాటు కొనసాగి, అంతర్జాతీయ మార్కెట్లు సగటున 20 శాతం నష్టాన్ని నమోదు చేశాయి.
వివరాలు
పతనానికి ప్రధాన కారణాలు:
బుల్ మార్కెట్ ప్రభావం: 1982 నుంచి స్టాక్ విలువలు మూడు రెట్లు పెరగడంతో కొంతవరకు కరెక్షన్ తప్పనిసరైంది.
కంప్యూటరైజ్డ్ ట్రేడింగ్: అప్పట్లో కొత్తగా ప్రవేశపెట్టిన కంప్యూటర్ ప్రోగ్రామింగ్ వ్యవస్థ (సీ ప్రోగ్రామ్ ఆధారంగా) ఆటోమేటిక్‌గా కొనుగోలు, అమ్మకాలు నిర్వహించేది. ధరలు పడితే అమ్మకాలు స్వయంగా జరిగేవి. అక్టోబర్ 19న భారీగా అమ్మకాలు రావడంతో మార్కెట్ కుప్పకూలింది.
ట్రిపుల్ విచింగ్: స్టాక్ ఆప్షన్లు, ఇండెక్స్ ఫ్యూచర్లు, ఇండెక్స్ ఆప్షన్లు మూడు గడువు ఒకేసారి ముగియడం వల్ల అమ్మకాల ఒత్తిడి తలెత్తింది. ముందు సోమవారం వచ్చిన ట్రేడింగ్ సమయంలో తీవ్ర ప్రభావం చూపింది.
వివరాలు
బ్లాక్ మండే అనంతరం మార్పులు:
ఈ పతనం పునరావృతం కాకుండా ఉండేందుకు మార్కెట్లలో సర్క్యూట్ బ్రేకర్లు వంటి భద్రతా చర్యలు తీసుకొన్నారు. ఇవి మార్కెట్ ఒక్కసారిగా పడిపోతే తాత్కాలికంగా ట్రేడింగ్‌ను నిలిపివేస్తాయి.
ప్రస్తుత భయాలేంటి?
ఏప్రిల్ 4న అమెరికా మార్కెట్లు కోవిడ్ ప్రభావంతో భారీ నష్టాన్ని చవిచూశాయి. దాదాపు 5 ట్రిలియన్ డాలర్ల సొమ్ము పతనమైంది. ఆదివారం డౌ జోన్స్ ఫ్యూచర్స్ 1,405 పాయింట్లు (3.7%) పడిపోయింది. ఎస్‌అండ్‌పీ ఫ్యూచర్స్ 4.3%, నాస్‌డాక్ 100 5.4% నష్టపోయాయి.
వివరాలు
ఆసియా మార్కెట్లు కూడా తీవ్రంగా ప్రభావితమయ్యాయి:
జపాన్ నిక్కీ: ఒక దశలో 8%, ప్రస్తుతం 6% నష్టంతో ట్రేడ్, తైవాన్: 9.61% నష్టం, దక్షిణ కొరియా కోస్పి: 4.14%, చైనా షాంఘై సూచీ: 6.5%, ఆస్ట్రేలియా ASX సూచీ: 3.82%
ఆరెంజ్ మండే - సోషల్ మీడియాలో ట్రెండ్
సోషల్ మీడియాలో మార్కెట్ పరిస్థితులపై "ఆరెంజ్ మండే" అనే మీమ్స్ వైరల్ అయ్యాయి.
నేటి బ్లాక్ మండే అయితే దానిని ఆరెంజ్ మండేగా పరిగణించాలని నెటిజన్లు వ్యాఖ్యానిస్తున్నారు. తద్వారా భవిష్యత్తులో ఇంకో "రెడ్ మండే" మిగిలే అవకాశముందని అర్థం.
వివరాలు
జిమ్ క్రెమెర్ ఎవరు?
జిమ్ క్రెమెర్ సీఎన్‌బీసీ ఛానెల్‌లో ప్రసారమయ్యే "మ్యాడ్ మనీ" షో వ్యాఖ్యాత. అలాగే CNBC ఇన్వెస్టింగ్ క్లబ్‌ను నడుపుతారు.
ఫైనాన్షియల్ మీడియా వెబ్‌సైట్ "ది స్ట్రీట్" వ్యవస్థాపకులు కూడా.
క్రెమెర్ గతంలో బెర్కోవిట్జ్ అనే సంస్థలో హెడ్జ్‌ఫండ్ మేనేజర్‌గా పనిచేశారు. హార్వర్డ్ యూనివర్సిటీలో విద్యార్థిగా ఉన్నపుడే "ది హార్వర్డ్ క్రిమ్సన్" పత్రిక ఎడిటర్‌గా ఉన్నారు.
గోల్డ్‌మన్ శాక్స్ సంస్థలో సేల్స్, ట్రేడింగ్ విభాగంలో పనిచేశారు. ఆ సమయంలో "న్యూ రిపబ్లిక్" పేరిట పుస్తకం రాశారు. ఆయన రచనలు - గెట్ రిచ్ కేర్‌ఫులీ, గెట్టింగ్ బ్యాక్ టు ఈవెన్, స్టే మ్యాడ్ ఫర్ లైఫ్ వంటి బేస్ట్ సెల్లర్లు.