తోపుడు బండిపై సమోసాలతో రోజుకి 12 లక్షల సంపాదిస్తున్న దంపతులు
సమోసా సింగ్ అనే కంపెనీ వందల కోట్ల సమోసా వ్యాపారాన్ని అభివృద్ది చేసింది. నిధి సింగ్, శిఖర్ వీర్ సింగ్ దంపతులు ఈ వ్యాపారాన్ని ప్రారంభించి ఇప్పుడు లక్షల టర్నోవర్ వ్యాపారంగా మార్చారు. 2004లో థానేలోని కురక్షేత్ర యూనివర్సిటీలో డిగ్రీలో చేరిన వీరిద్దరి పరిచయం డిగ్రీ అయ్యేలోపు స్నేహం నుండి ప్రేమగా మారింది. తర్వాత నిధి బయోటెక్నాలజీ చదివింది కానీ మనసంతా మార్కెటింగ్ వైపే మొగ్గు చూపడంతో ఢిల్లీలో ఫార్మా కంపెనీలో మార్కెటింగ్ విభాగంలో చేరింది. శిఖర్ 2009లో సైంటిస్ట్ గా బయోకాస్ కంపెనీలో చేరాడు. కొంత కాలానికి వాళ్లిద్దరికి పెళ్లి అయింది. 2015లో శిఖర్ తాను చేస్తున్న ఉద్యోగానికి రాజీనామా చేసి వ్యాపార ప్రణాళికలు ప్రారంభించాడు.
రద్దీ ఉండే ఏరియాల్లో కియోస్కోలు ఏర్పాటు చేసి సమోసాలు అమ్మారు
దంపతులిద్దరూ కలిసి రెండు చిన్న కిచెన్ గదులు అద్దెకు తీసుకున్నారు. వంట చేసే వాళ్లను నియమించి వివిధ ఆకారాల్లో సమోసాను తయారు చేయించాడు. రద్దీ ఉండే ఏరియాల్లో కియోస్కోలు ఏర్పాటు చేసి సమోసా గురించి కస్టమర్ల అభిప్రాయాలు సేకరించారు. ఫీడ్బ్యాక్ పాజిటీస్ గా రావడంతో బెంగళూరులో సమోసా సింగ్ పేరుతో ఒక బ్రాంచ్ ప్రారంభించారు. నిధి బిల్ కౌంటర్ చూసుకుంటూ ఉండగా, శిఖర్ కొంతమంది వర్కర్లతో కలిసి సమోసాలు తయారు చేసి అమ్మడం, హోమ్ డెలివరీలు చేయడం ప్రారంభించారు. ప్రస్తుతం బెంగళూరు, హైదరాబాద్, పూణేతో పాటు ఇతర నగరాల్లో సమోసాలు అమ్ముతున్నారు. అలా సమోసాలు అమ్ముతూ రోజుకు రూ.12 లక్షల నుంచి సంవత్సరానికి వందల కోట్లు సంపాదిస్తున్నారు.
