Gold price: హమ్మయ్య .. భారీగా తగ్గిన పసిడి ధరలు.. తులం గోల్డ్ ధర ఎంతంటే..?
ఈ వార్తాకథనం ఏంటి
బంగారం ధరలు క్రమంగా పడిపోతున్న పరిస్థితి నెలకొంది. నిన్న స్వల్పంగా తగ్గిన పసిడి ధరలు, ఈ రోజు మాత్రం గణనీయంగా క్షీణించాయి.
ఒక్కరోజులోనే తులం బంగారంపై ఏకంగా రూ.1,140 తగ్గుదల చోటుచేసుకుంది.
హైదరాబాద్ బులియన్ మార్కెట్ ప్రకారం, 24 క్యారెట్ల బంగారం ధర ప్రస్తుతం ఒక్క గ్రాముకు రూ.10,037గా ఉంది.
ఇదే సమయంలో 22 క్యారెట్ల బంగారం ధర ఒక్క గ్రాముకు రూ.9,200 వద్ద ట్రేడ్ అవుతోంది.
22 క్యారెట్ల బంగారం ధర 10 గ్రాములకు రూ.1,050 పడిపోయి, ప్రస్తుతం రూ.92,000 వద్ద అమ్ముడవుతోంది.
అదే సమయంలో 24 క్యారెట్ల 10 గ్రాముల ధర రూ.1,140 తగ్గి, రూ.1,00,370కి చేరుకుంది.
వివరాలు
రూ.100 తగ్గిన కిలో వెండి
ఈ ధరల ప్రకంపనలు కేవలం హైదరాబాద్‌కే పరిమితం కాకుండా, విజయవాడ, విశాఖపట్నంలో కూడా అదే స్థాయిలో కొనసాగుతున్నాయి.
దేశ రాజధాని ఢిల్లీ విషయానికి వస్తే, అక్కడ 22 క్యారెట్ల 10 గ్రాముల బంగారం ధర రూ.92,150గా ఉంది.
24 క్యారెట్ల బంగారం 10 గ్రాములకు రూ.1,00,520 వద్ద ట్రేడ్ అవుతోంది. వెండి ధరల్లోనూ స్వల్పంగా తగ్గుదల నమోదైంది.
హైదరాబాద్‌లో ఈరోజు కిలో వెండి ధర రూ.100 తగ్గి రూ.1,19,800కి చేరింది. ఢిల్లీలో కిలో వెండి ధర రూ.1,09,800 వద్ద ట్రేడ్ అవుతోంది.