Gold Price Today: మహిళలకు బాడ్ న్యూస్.. భగ్గుమన్న బంగారం ధరలు.. హైదరాబాద్‌లో తలం ధర ఎంతో తెలుసా?
ఈ వార్తాకథనం ఏంటి
బంగారం ధరలు ఇటీవలి కాలంలో వేగంగా పెరిగి చరిత్రలోనే అత్యధిక స్థాయికి చేరుకున్నాయి. అంతర్జాతీయ వాణిజ్యంలో పెరుగుతున్న ఉద్రిక్తతలు, పెట్టుబడిదారులు బంగారంపై చూపుతున్న ఆసక్తి కారణంగా ఈ పరిస్థితి ఏర్పడింది. ముఖ్యంగా అమెరికా అధ్యక్షుడు డొనాల్డ్ ట్రంప్ అమలు చేస్తున్న వాణిజ్య విధానాలు బంగారం మార్కెట్‌పై గణనీయమైన ప్రభావాన్ని చూపించాయి. భారతదేశం, స్విట్జర్లాండ్ వంటి దేశాల నుండి దిగుమతులపై అమెరికా భారీ సుంకాలు విధించడం వలన ప్రపంచ వాణిజ్యంలో అనిశ్చితి పెరిగింది. ఈ సుంకాల ప్రభావం భారత ఆర్థిక వ్యవస్థపైనా పడింది. రూపాయి విలువ తగ్గిపోవడంతో, బంగారం దిగుమతులు మరింత ఖరీదైనవిగా మారి దేశీయ మార్కెట్‌లో ధరలు ఎగసిపడుతున్నాయి.
వివరాలు
రికార్డు స్థాయిలో బంగారం ధరలు
దేశీయంగా ప్రస్తుతం బంగారం ధరలు రికార్డు స్థాయిలో ఉన్నాయి. ఆగస్ట్ 9న, నిన్నటి ధరలతో పోలిస్తే తులానికి సుమారు ₹500 పైగా పెరుగుదల నమోదైంది. ప్రస్తుతం 24 క్యారెట్ల 10 గ్రాముల బంగారం ధర ₹1,03,320 కాగా, 22 క్యారెట్ల 10 గ్రాముల ధర ₹94,710 గా ఉంది. వెండి మార్కెట్‌లో కూడా అధిక ధరలు కొనసాగుతున్నాయి. కిలో వెండి ధర ప్రస్తుతం ₹1,16,900 గా ఉంది.
వివరాలు
ప్రధాన నగరాల బంగారం ధరలు:
హైదరాబాద్: 24 క్యారెట్ల 10 గ్రాములు - ₹1,03,320, 22 క్యారెట్ల 10 గ్రాములు - ₹94,710 చెన్నై: 24 క్యారెట్ల 10 గ్రాములు - ₹1,03,320, 22 క్యారెట్ల 10 గ్రాములు - ₹94,710 ముంబై: 24 క్యారెట్ల 10 గ్రాములు - ₹1,03,320, 22 క్యారెట్ల 10 గ్రాములు - ₹94,710 ఢిల్లీ: 24 క్యారెట్ల 10 గ్రాములు - ₹1,03,470, 22 క్యారెట్ల 10 గ్రాములు - ₹94,860 బెంగళూరు: 24 క్యారెట్ల 10 గ్రాములు - ₹1,03,320, 22 క్యారెట్ల 10 గ్రాములు - ₹94,710 విజయవాడ: 24 క్యారెట్ల 10 గ్రాములు - ₹1,03,320, 22 క్యారెట్ల 10 గ్రాములు - ₹94,710
వివరాలు
ఈ కారణాల వల్లే.. బంగారం పెట్టుబడిదారుల ప్రథమ ఎంపిక
ఇటీవలి కాలంలో అనేక దేశాల కేంద్ర బ్యాంకులు, అంతర్జాతీయ స్థాయి పెట్టుబడిదారులు బంగారం కొనుగోళ్లను వేగంగా పెంచుతున్నారు. ఎక్స్చేంజ్-ట్రేడెడ్ ఫండ్లలో కూడా బంగారంపై పెట్టుబడులు గణనీయంగా పెరిగాయి. చైనా కేంద్ర బ్యాంకు కూడా నిరంతరంగా బంగారం నిల్వలను పెంచుతోంది. ఈ పరిణామాలు ప్రపంచవ్యాప్తంగా బంగారంపై డిమాండ్‌ను పెంచి, ధరలను మరింత ఎగబాకేలా చేశాయి. అదనంగా, అమెరికా ఫెడరల్ రిజర్వ్ వడ్డీ రేట్లను తగ్గించే అవకాశం ఉన్నందున, బంగారం పెట్టుబడిదారులకు మరింత ఆకర్షణీయమైన ఆస్తిగా మారింది. ఈ మొత్తం కారణాల వల్లే, ప్రస్తుతం బంగారం పెట్టుబడిదారుల ప్రథమ ఎంపికగా నిలిచింది.