Universal Pension Scheme: భారతీయులందరికీ కొత్త 'యూనివర్సల్ పెన్షన్ స్కీమ్'.. కసరత్తు చేస్తున్న కేంద్ర ప్రభుత్వం
ఈ వార్తాకథనం ఏంటి
భారతదేశంలోని ప్రతి ఒక్కరి కోసం కేంద్ర ప్రభుత్వం కొత్త పెన్షన్ పథకాన్ని ప్రవేశపెట్టేందుకు ప్రయత్నాలు చేస్తోంది. ముఖ్యంగా అసంఘటిత రంగంలో పని చేసే కార్మికులతో సహా అన్ని వర్గాల పౌరులకు ప్రయోజనం చేకూరేలా "యూనివర్సల్ పెన్షన్ స్కీమ్" తీసుకురావాలని ప్రభుత్వం యోచిస్తున్నట్లు కార్మిక మంత్రిత్వ శాఖ వర్గాలు వెల్లడించాయి. ప్రస్తుతం నిర్మాణ కార్మికులు, గృహ సేవకులు, గిగ్ వర్కర్లు వంటి అసంఘటిత రంగానికి చెందిన కార్మికులకు ప్రభుత్వం అందించే పెద్ద మొత్తంలో పొదుపు పథకాలు అందుబాటులో లేవు. ఈ కొత్త పథకం వేతన జీవులకు మాత్రమే కాకుండా,స్వయం ఉపాధిలో ఉన్న వారికి కూడా లభ్యమవుతుంది.
వివరాలు
యూనివర్సల్ పెన్షన్ స్కీమ్" తీసుకురావాలని ప్రభుత్వ ఆలోచన
అయితే, ఈ పథకం,ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) వంటి ఇప్పటికే ఉన్న పెన్షన్ పథకాల మధ్య ప్రధాన తేడా ఏమిటంటే - ఈ పథకంలో పాల్గొనేవారు స్వచ్ఛందంగా తమ వంతు సహకారం అందించాలి, కానీ ప్రభుత్వం తరం నుంచి ఎటువంటి ఆర్థిక మద్దతు ఉండదు. పెన్షన్ పథకాలను మరింత సమర్థంగా నిర్వహించేందుకు"యూనివర్సల్ పెన్షన్ స్కీమ్" తీసుకురావాలనే ఆలోచన ప్రభుత్వానికి ఉంది. అంటే,ఇప్పటికే దేశంలో అమలులో ఉన్న వివిధ పెన్షన్ పథకాలను సమన్వయం చేయడం ద్వారా ఈ కొత్త పథకం రూపుదిద్దుకోనుంది. ఏ పౌరుడైనా స్వచ్ఛందంగా ఈ పథకాన్ని ఎంచుకునే అవకాశం ఉంటుందని సంబంధిత వర్గాలు పేర్కొంటున్నాయి.
వివరాలు
అసంఘటిత కార్మికుల కోసం అనేక పెన్షన్ పథకాలు
ప్రస్తుతానికి "న్యూ పెన్షన్ స్కీమ్" అని పిలుస్తున్న ఈ పథకం, ప్రస్తుతం అమలులో ఉన్న జాతీయ పెన్షన్ పథకం (NPS) ను భర్తీ చేయడం లేదా విలీనం చేయడం లేదని తెలుస్తోంది. ప్రస్తుతం అసంఘటిత రంగంలో పని చేసే కార్మికుల కోసం ప్రభుత్వం ఇప్పటికే అనేక పెన్షన్ పథకాలను అమలు చేస్తోంది. వాటిలో ప్రధానమైనవి: అటల్ పెన్షన్ యోజన (APY) - ఈ పథకం కింద 60 ఏళ్లు నిండిన తర్వాత ప్రతినెలా రూ. 1,000 నుండి రూ. 1,500 వరకు పెన్షన్ లభిస్తుంది. ప్రధానమంత్రి శ్రమ యోగి మంధన్ యోజన (PM-SYM) - వీధి వ్యాపారులు, గృహ పనివారు, ఇతర అసంఘటిత రంగ కార్మికులకు ప్రయోజనం చేకూర్చే పెన్షన్ పథకం.
వివరాలు
మరింత మందికి పెన్షన్ లభించేలా..
ప్రధానమంత్రి కిసాన్ మంధన్ యోజన (PM-KMY) - ఇది రైతుల కోసం రూపొందించిన పథకం. ఇందులో 60 ఏళ్లు నిండిన తరువాత నెలకు రూ. 3,000 పెన్షన్ అందించబడుతుంది. ఈ విధంగా, కొత్తగా రాబోయే "యూనివర్సల్ పెన్షన్ స్కీమ్" ద్వారా మరింత మందికి పెన్షన్ లభించేలా ప్రభుత్వ విధానాలు రూపొందుతున్నాయి.