వడ్డీ రేట్లపై నేటి నుంచి ఆర్బీఐ ద్రవ్య విధాన సమీక్ష; రెపో రెటు పెరిగేనా? తగ్గేనా?
ఈ వార్తాకథనం ఏంటి
ఆర్బీఐ గవర్నర్ శక్తికాంత దాస్ నేతృత్వంలోని మానిటరీ పాలసీ కమిటీ(ఎంపీసీ) ద్వైమాసిక చర్చలను మంగళవారం ప్రారంభించింది. జూన్ 6వ తేదీ నుంచి 8వ తేదీ వరకు ఈ సమావేశాలు జరగనున్నాయి. అయితే సమీక్ష చివరి రోజున ఆర్ బి ఐ గవర్నర్ ప్రకటించే తుది నిర్ణయాలు ఏమై ఉంటాయనేది ఆసక్తికరంగా మారింది. ఆర్థిక వ్యవస్థకు కీలకమైన వడ్డీ రేట్లు, ద్రవ్యోల్బణం, జీడీపీ వృద్ధి అంచనాల నేపథ్యంలో ఈ సమీక్ష జరగడం గమనార్హం. మార్చి త్రైమాసికంలో భారతదేశ జీడీపీ 6.1 శాతం విస్తరించిందని అధికారిక గణాంకాలు వెల్లడించిన కొద్ది రోజుల తర్వాత ఆర్బీఐ విధాన సమీక్ష నిర్వహిస్తోంది.
ఆర్ బీఐ
రెపో రేటుపై నిపుణులు ఏం అంటున్నారంటే?
రిటైల్ ద్రవ్యోల్బణం, ఆర్థిక వృద్ధిని తగ్గించడం ద్వారా జూన్ 8న ఆర్ బీఐ రెపో రేటును 6.5 శాతం వద్ద కొనసాగించే అవకాశం ఉందని నిపుణులు అంటున్నారు. ఆర్థిక వృద్ధిని దెబ్బతీయకుండా స్టికీ, రెడ్-హాట్ ద్రవ్యోల్బణాన్ని అరికట్టడానికి ప్రపంచవ్యాప్తంగా సెంట్రల్ బ్యాంకులు కష్టపడుతున్న సమయంలో ఆర్ బీఐ ఈ ద్రవ్య విధాన సమీక్షను నిర్వహిస్తోంది. మే నెలలో జరిగిన ఎంపీసీ సమీక్షలో 250 బేసిస్ పాయింట్ల పెంపుదల తర్వాత, రెపో రేటును 6.5 శాతం వద్ద యథాతథంగా కొనసాగిస్తూ వస్తున్నారు.