Japan: సంచలన నిర్ణయం.. ఇక వారానికి నాలుగు రోజులే పని..ఎక్కడంటే?
ఈ వార్తాకథనం ఏంటి
అనుకున్నవన్నీ సాధించడంలో జపాన్ దేశం ముందుగా ఉంటుంది. రెండు అణుబాంబుల ప్రభావం తర్వాత ఆ దేశం తిరిగి కోలుకుని, అద్భుతమైన శ్రామిక శక్తితో ప్రపంచంలోనే అగ్రగామిగా నిలిచింది.
జపాన్ ప్రజలు క్రమశిక్షణతో పనిచేస్తూ దేశాన్ని అత్యంత అభివృద్ధి చెందిన దేశంగా మార్చారు.
తాజాగా ఇప్పుడు ఆ దేశం ఒక కొత్త మార్గంలో ప్రయాణించడానికి సిద్ధమవుతోంది.
కార్మికులకు శుభవార్త అందిస్తూ వారానికి నాలుగు రోజుల పని వారాన్ని ప్రవేశపెట్టేందుకు ప్రణాళికలను సిద్ధం చేస్తోంది.
ఈ ఏడాదిలోనే కార్మికులకు వారానికి నాలుగు రోజుల పని వారాన్ని అందించే దిశగా జపాన్ ప్రభుత్వం కీలక నిర్ణయం తీసుకుంది.
Details
నాలుగు రోజుల పనిపై సానుకూల స్పందన
అన్ని సంస్థలు తక్షణమే ఈ విధానాన్ని అమలు చేయాలని ప్రభుత్వం ఆదేశాలు జారీ చేసింది.
ఈ నిర్ణయంపై చాలా మంది ఉద్యోగులు, కంపెనీల నుండి సానుకూల స్పందన లభించింది.
వారానికి నాలుగు రోజుల పని వారం ద్వారా కార్మికులకు ఎక్కువ సమయం అందుబాటులో ఉంటుంది,
తద్వారా వారు కుటుంబంతో గడిపే సమయాన్ని పెంచుకోవచ్చు. ఈ విధానం ద్వారా ఉద్యోగుల పనితీరులో మెరుగుదల కనిపిస్తోంది.
ఉద్యోగులు పని ఒత్తిడికి గురి కాకుండా మరింత ఉత్సాహంగా పనులు పూర్తి చేయగలుగుతున్నారు.
తక్కువ పని దినాలు ఉన్నప్పుడు, కొత్త ఉద్యోగాలకు అవకాశం పెరుగుతుందని జపాన్ ప్రభుత్వం భావిస్తోంది.
Details
కార్మికుల ఆరోగ్య సమస్యలపై జపాన్ ప్రభుత్వం దృష్టి
ప్రభుత్వం మరిన్ని సౌకర్యాలు, ఆర్థిక సాయాలు అందిస్తూ కార్మికులకు స్ఫూర్తిని నింపే చర్యలు చేపట్టింది. జపాన్‌లో ఉద్యోగులు ఎక్కువగా ఓవర్‌టైం పని చేస్తారు.
దీని కారణంగా, గుండె సంబంధిత వ్యాధుల సమస్యలు పెరుగుతున్నాయి. ఈ కొత్త విధానం వల్ల ఈ సమస్యలను తగ్గించే అవకాశం ఉంది.
కార్మికులకు స్వేచ్ఛ ఇవ్వడం ద్వారా, వారి ఆరోగ్యాన్ని, మనోధైర్యాన్ని పెంపొందించడమే జపాన్ ప్రభుత్వం లక్ష్యంగా పెట్టుకుంది.