Stock Market: స్టాక్ మార్కెట్లు ఫ్లాట్‌గా ప్రారంభం
ఈ వార్తాకథనం ఏంటి
దేశీయ స్టాక్ మార్కెట్ లాభాల పరంపరకు బుధవారం తాత్కాలిక బ్రేక్ పడింది. రెండు సెషన్లలో దూసుకెళ్లిన సూచీలు ఈరోజు తీవ్ర ఒత్తిడికి గురయ్యాయి.
అంతర్జాతీయ మార్కెట్ల బలహీన సంకేతాలు, టారిఫ్‌లపై కొనసాగుతున్న ఆందోళనల నేపథ్యంలో మదుపర్లు అప్రమత్తంగా వ్యవహరిస్తున్నారు.
ఈ ప్రభావంతో ప్రారంభంలో నష్టాల్లో ప్రారంభమైన సూచీలు ప్రస్తుతం స్వల్ప లాభాల్లో కొనసాగుతున్నాయి.
ఉదయం 9.30 గంటల సమయానికి సెన్సెక్స్‌ 27.7 పాయింట్ల లాభంతో 76,762 వద్ద, నిఫ్టీ 9 పాయింట్ల లాభంతో 23,337 వద్ద ట్రేడవుతున్నాయి. రూపాయి విలువ డాలర్‌తో పోల్చితే 24 పైసలు బలపడి 85.56గా కొనసాగుతోంది.
Details
లాభాల్లో యాక్సిస్ బ్యాంక్
నిఫ్టీలో శ్రీరామ్‌ ఫైనాన్స్‌, ఇండస్‌ఇండ్ బ్యాంక్, అపోలో హాస్పిటల్స్‌, కొటక్‌ మహీంద్రా బ్యాంక్, యాక్సిస్ బ్యాంక్ షేర్లు లాభాల్లో రాణిస్తున్నాయి.
ఇదే సమయంలో ఇన్ఫోసిస్‌, మారుతీ సుజుకీ, టెక్‌ మహీంద్రా, టాటా కన్జ్యూమర్‌, సిప్లా షేర్లు ఒత్తిడిలో క‌నిపిస్తున్నాయి.
ఆసియా మార్కెట్లు కూడా ఈ రోజు ప్రధానంగా నష్టాలతోనే కొనసాగుతున్నాయి. హాంకాంగ్‌ హాంగ్‌సెంగ్‌ 2.11 శాతం, దక్షిణ కొరియా కోస్పి 0.47 శాతం, జపాన్‌ నిక్కీ 0.3 శాతం మేర తగ్గాయి. అయితే ఆస్ట్రేలియా ఏఎస్‌ఎక్స్‌ సూచీ మాత్రం 0.19 శాతం లాభపడింది.
ఇక మంగళవారం ముగిసిన అమెరికా మార్కెట్లు కూడా నష్టాలనే చవిచూశాయి. డోజెన్స్‌ 0.38 శాతం, నాస్‌డాక్‌ 0.05 శాతం, ఎస్‌అండ్‌పీ 500 సూచీ 0.17 శాతం మేర నష్టపోయాయి.