Elon Musk-Tesla: 10శాతం పైగా కోతలుంటాయి: టెస్లా సంస్థ సీఈఓ ఎలన్ మస్క్ సంచలన ప్రకటన
ఈ వార్తాకథనం ఏంటి
ఎలక్ట్రిక్ వాహనాల సంస్థ టెస్లా(Tesla) సీఈఓ ఎలాన్ మస్క్(Elon Musk) సంచలన ప్రకటన చేశారు.
ప్రపంచవ్యాప్తంగా ఉన్న తమ సంస్థలో 10% పైగా ఉద్యోగాల కోత విధించాలనుకుంటున్నట్లు మస్క్ వెల్లడించారు.
ఒకే పనిని చేసేందుకు అధిక సిబ్బంది(డుప్లికేషన్ ఆ ఫ్ రోల్స్) ఉండటమే ఉద్యోగాల కోతకు కారణమని వివరించారు.
ఎలాన్ మస్క్ తాజా ప్రకటన అమలులోకి వస్తే సంస్థకు చెందిన 14వేలకు పైగా మంది తమ ఉద్యోగాలను కొల్పోనున్నారు.
సంస్థ బాగా వృద్ధి చెందాలంటే అనవసర వ్యయాలను తగ్గించుకోవాలని ఈ నిర్ణయం తీసుకుంటున్నట్లు మస్క్ వివరించారు.
విద్యుత్ వాహనాల డిమాండ్ ను పెంచేందుకు టెస్లా సంస్థ వరుసగా ధరలు తగ్గించినప్పటికీ వాహనాల డెలివరీల్లో తగ్గుదల కనిపించినట్లు అంతర్గత నివేదికలో టెస్లా పేర్కొంది.
Elon Musk-Tesla
ప్రధానితో భేటీపై స్పష్టత లేదు
దీంతో 10 శాతానికి పైగా ఉద్యోగాల్లో కోత విధించేందుకు ప్రణాళికలు సిద్ధం చేస్తున్నారు.
భారత ప్రధాని నరేంద్రమోదీని ఈ నెల లో టెస్లా సీఈఓ ఎలన్ మస్క్ భేటీ కానున్న నేపథ్యంలో...భారత్ లో టెస్లా ప్లాంట్ ఏర్పాటు చేయాలనే ఎలన్ మస్క్ ప్రకటిస్తారని తెలుస్తోంది.
ఈ నెలలోనే తాను ఇండియా పర్యటిస్తానని తన ఎక్స్ ఖాతాలో ఎలన్ మస్క్ పోస్ట్ చేసిన సంగతి తెలిసిందే.
కాగా, ఈ పోస్ట్ కు ప్రతిస్పందనగా ఇండియా ప్రధాని నరేంద్ర మోదీ స్పందిస్తూ భారత్ లో టెస్లా సంస్థ పెట్టుబడులు పెట్టాలనుకోవడం ఆహ్వానించదగ్గ పరిణామమని అందుకోసం ఆసక్తి గా ఎదురుచూస్తున్నానని చెప్పారు.
ప్రధాని మోదీ, ఎలన్ మస్క్ ల ఎప్పుడు భేటీ అవుతారన్నదీ ఇంకా స్పష్టత లేదు.