Honey Rose: సోషల్‌మీడియా వేదికగా నటి హనీ రోజ్‌ కి వేధింపులు.. 27 మందిపై కేసు
ఈ వార్తాకథనం ఏంటి
నటి హనీ రోజ్‌ (Honey Rose) ఇటీవల పోలీసులను ఆశ్రయించిన విషయం తెలిసిందే. తాను సోషల్ మీడియా వేదికగా వేధింపులను ఎదుర్కొంటున్నానని, ఈ విషయాన్ని పోలీసులకు ఫిర్యాదు చేశానని ఆదివారం ఒక పోస్ట్‌లో పేర్కొన్నారు. ఈ నేపథ్యంలో సోమవారం కేరళలోని ఎర్నాకుళం నగర పోలీసులు దాదాపు 27 మందిపై కేసు నమోదు చేశారు. వాటిలో కుంబళంకు చెందిన ఒక వ్యక్తిని అరెస్ట్ చేసినట్టు స్థానిక పత్రికలు తెలియజేశాయి.
వివరాలు
అలాంటి విమర్శలను స్వీకరిస్తా: హనీరోజ్‌
తాజాగా హనీ రోజ్‌ ఇన్‌స్టాగ్రామ్‌లో చేసిన ఒక పోస్ట్‌లో వివరణాత్మక విమర్శలను స్వీకరిస్తానని చెప్పారు. ఆమె వివరించారు, "నా లుక్స్‌ గురించి సరదా జోక్స్‌, మీమ్స్‌ వచ్చినా, వాటిని పెద్దగా పట్టించుకోను. అయితే, అసభ్యకరంగా చేసే వ్యాఖ్యలను ఏమాత్రం సహించను. వాటిపై న్యాయపరంగా పోరాడతాను. నా కోసం మాత్రమే కాదు, మహిళలందరి హక్కుల కోసం ఈ పోరాటం చేస్తున్నాను" అని స్పష్టం చేశారు.
వివరాలు
అసలేం జరిగిందంటే..:
ఆదివారం సాయంత్రం హనీ రోజ్‌ ఒక ప్రకటన విడుదల చేస్తూ,ఒక వ్యాపారవేత్త వల్ల తాను ఇబ్బందులు పడుతున్నట్లు తెలిపారు."ఒక వ్యక్తి కావాలని నన్ను అవమానించడానికి ప్రయత్నిస్తున్నాడు.నేను సైలెంట్‌గా ఉంటే 'ఆ వ్యాఖ్యలను నువ్వు స్వీకరిస్తున్నావా?'అని చాలామంది ప్రశ్నిస్తున్నారు. గతంలో ఆ వ్యక్తి కొన్ని ఈవెంట్స్‌కు నన్ను ఆహ్వానించాడు.కానీ,వేర్వేరు కారణాల వల్ల వాటికి నేను హాజరుకాలేకపోయాను.దీనిని ప్రతీకారంగా తీసుకుని, నేను హాజరయ్యే ప్రతి ఈవెంట్‌కు వచ్చి, కించపరిచేలా వ్యాఖ్యలు చేయడం ప్రారంభించాడు"అని తెలిపారు. తనకు ఎదురవుతున్న వేధింపులపై పోలీసులు దృష్టి సారించారని, న్యాయపరమైన చర్యలు తీసుకోవడం ప్రారంభమైందని హనీ రోజ్‌ తెలిపారు. 'వీరసింహారెడ్డి' సినిమాతో తెలుగు ప్రేక్షకులకు చేరువైన హనీ రోజ్‌, ఈ పరిస్థితిని ధైర్యంగా ఎదుర్కొంటూ మహిళల హక్కుల కోసం నిలబడుతున్నారని చెప్పొచ్చు.