Allu Arjun: 'పుష్ప'కు అవార్డుల పంట .. జాతీయ ఉత్తమ నటుడిగా చరిత్ర సృష్టించిన అల్లు అర్జున్
ఈ వార్తాకథనం ఏంటి
టాలీవుడ్ ఐకాన్ స్టార్ అల్లు అర్జున్ తొలి తెలుగు హీరోగా చరిత్రను సృష్టించాడు.
భారతీయ సినిమా ఇండిస్ట్రీలో అత్యంత ప్రతిష్టాత్మకంగా భావించే జాతీయ ఉత్తమ నటుడి పురస్కారాన్ని బన్నీ కైవసం చేసుకున్నాడు.
ఇంతవరకు ఏ తెలుగు హీరోకు కూడా ఉత్తమ నటుడిగా జాతీయ అవార్డు రాలేదు. దీంతో ఉత్తమ నటుడిగా ఎంపికైన తొలి తెలుగు హీరోగా అల్లు అర్జున్ చరిత్రను తిరగరాశారు.
ఢిల్లీ వేదికగా జరిగిన కార్యక్రమంలో జాతీయ ఉత్తమ నటుడిగా ఈ ప్రతిష్టాత్మక పురస్కారానికి బన్ని ఎంపికైనట్లు కేంద్రం ప్రకటించింది.
పుష్ప సినిమాకు గాను అల్లు అర్జున్‌కి ఈ అవార్డు దక్కింది.
Details
ఉత్తమ సంగీత దర్శకుడిగా దేవి శ్రీ ప్రసాద్
అదేవిధంగా పుష్ప చిత్రానికి గాను దేవీ శ్రీ ప్రసాద్‌కు బెస్ట్ మ్యూజిక్ డైరక్టర్‌గా జాతీయ అవార్డును సొంతం చేసుకున్నారు. దీంతో పుష్ప సినిమా రెండు జాతీయ అవార్డులను కైవసం చేసుకుంది. పుష్ప సినిమా బన్నీ కెరీర్‌లోనే బిగ్గెస్ట్ హిట్‌గా నిలిచింది. ఈ సినిమా కోసం బన్నీ పడిన కష్టం ప్రత్యేకంగా చెప్పనక్కర్లేదు.
సుకుమార్ దర్శకత్వం వహించిన ఈ సినిమా 2021 డిసెంబర్ 17న రిలీజ్ అయ్యి భారీ విజయాన్ని అందుకుంది. అప్పటివరకూ స్టైలిష్ స్టార్ ఉన్న అల్లు అర్జున్‌ను పుష్ప సినిమా ఐకాన్ స్టార్‌గా మార్చేసింది. పుష్ప సినిమాలో గంధపు చెక్కల స్మగ్లర్‌గా అల్లుఅర్జున్ తన విశ్వరూపాన్ని ప్రదర్శించాడు.
చిత్తూరు యాసలో మాట్లాడుతూ 'తగ్గేదే లే' అనే మేనరిజాన్ని ప్రపంచానికి పరిచయం చేశాడు.