Thandel Pre release event : తండేల్ ప్రీ రిలీజ్ ఈవెంట్.. నాగ‌చైత‌న్య కోసం అల్లు అర్జున్..ఈవెంట్ ఎప్పుడంటే?
ఈ వార్తాకథనం ఏంటి
నాగ చైతన్య 'తండేల్' సినిమా ప్రచారంలో అల్లు అర్జున్ భాగస్వామ్యం కానున్నారు.
ఈ సినిమా ప్రీ రిలీజ్ ఈవెంట్‌కు ఆయన ముఖ్య అతిథిగా హాజరవుతారని 'తండేల్' చిత్రబృందం సోషల్ మీడియాలో అధికారికంగా ప్రకటించింది.
ఫిబ్రవరి 1న సాయంత్రం హైదరాబాద్‌లో 'తండేల్ జాతర' అనే ప్రత్యేక కార్యక్రమం నిర్వహించనున్నారు.
ఈ సందర్భంగా 'పుష్ప 2'లోని అల్లు అర్జున్ లుక్‌తో కూడిన స్పెషల్ పోస్టర్‌ను విడుదల చేశారు.
'ప్రేమమ్', 'సవ్యసాచి' తర్వాత దర్శకుడు చందు మొండేటి నాగచైతన్యతో కలిసి తెరకెక్కించిన ఈ చిత్రం, శ్రీకాకుళం జిల్లా డి.మత్స్యలేశం గ్రామానికి చెందిన మత్స్యకారుల జీవితాల్లో జరిగిన సంఘటనలను ఆధారంగా చేసుకుని రూపొందించబడింది.
ఈ చిత్రం ఫిబ్రవరి 7న ప్రేక్షకుల ముందుకు రానుంది.
వివరాలు
తమిళ ట్రైలర్ విడుదల
సినిమా విడుదల తేదీ దగ్గర పడుతున్న నేపథ్యంలో చిత్రబృందం ప్రచార కార్యక్రమాల్లో పూర్తిగా నిమగ్నమైంది.
ఇటీవల విశాఖపట్టణంలో తెలుగు ట్రైలర్ లాంచ్ ఈవెంట్ నిర్వహించిన టీమ్, ముంబయిలో హిందీ ట్రైలర్ లాంచ్ కార్యక్రమాన్ని కూడా నిర్వహించింది, ఈ ఈవెంట్‌కు బాలీవుడ్ స్టార్ ఆమిర్ ఖాన్ ముఖ్య అతిథిగా హాజరయ్యారు.
అదేవిధంగా, చెన్నైలో గురువారం జరిగిన ప్రత్యేక కార్యక్రమంలో తమిళ ట్రైలర్‌ను విడుదల చేశారు.