Nagarjuna 100 Movie: ద్వీపాత్రాభినయం,రాజకీయ నేపథ్యం: నాగ్ 100వ చిత్రం హైలైట్‌లు
ఈ వార్తాకథనం ఏంటి
టాలీవుడ్ సూపర్‌స్టార్ అక్కినేని నాగార్జున తన సినీ జీవితంలో అత్యంత ముఖ్యమైన మైలురాయిగా నిలిచే 100వ చిత్రానికి ప్రిపరేషన్లు చేస్తున్నట్టు తెలుస్తోంది. ఇప్పటివరకు 99 సినిమాల్లో నటించిన నాగార్జునకు ఈ చిత్రం ప్రత్యేకం. ఇండస్ట్రీ వర్గాల సమాచారం ప్రకారం,ఈ సినిమా ఆయన కెరీర్‌లో ఒక ల్యాండ్‌మార్క్‌గా మారనుందని భావిస్తున్నారు. సోషల్ మీడియాలో అందుతున్న ఫీడ్‌బ్యాక్ ప్రకారం,ఈ సినిమాకు"లాటరీ కింగ్"అనే టైటిల్ ఖరారు చేసినట్లు సమాచారం. మూవీ కథ రాజకీయ నేపథ్యంతో ముందుకు సాగనుందని తెలిసింది. నాగార్జున ఈ చిత్రంలో ద్విపాత్రాభినయం చేయనున్నారు. .ఒక పాత్రలో సాధారణ వ్యక్తిగా, మరొకటి రాజకీయ నాయకుడిగా క‌నిపించ‌నున్నాడ‌ట. అదేవిధంగా, చిత్రంలో ముఖ్యమంత్రి పాత్రకు మరో స్టార్ హీరో క్యామియో ఇచ్చే అవకాశం ఉందని కూడా వార్తలు ఉన్నాయి.
వివరాలు
ఆరోగ్య సమస్యల కారణంగా తప్పుకున్న టబు
హీరోయిన్ల విషయంలోనూ అనేక రూమర్లు వినిపిస్తున్నాయి. ముందుగా సీనియర్ నటి టబు నటించే అవకాశం ఉందని వార్తలు వచ్చాయి, కానీ ఆరోగ్య సమస్యల కారణంగా ఆమె త‌ప్పుకున్న‌ట్టు సమాచారం. ఆ తర్వాత లేడీ సూపర్‌స్టార్ నయనతారను తీసుకోవాలని మేకర్స్ పరిగణించినట్లు తెలిసింది. చివరికి, కీలక పాత్ర కోసం అనుష్క శెట్టి ఫైనల్ అయ్యారని సమాచారం. 'బాస్' చిత్రంలో నాగార్జున - అనుష్క జంటకి మంచి కెమిస్ట్రీ లభించినందున, ఈ జోడీ అభిమానులకు చాలా ఎగ్జైటింగ్‌గా ఉంటుంది. నాగార్జున - అనుష్క కాంబినేషన్‌కి ప్రత్యేక ఫాలోయింగ్ ఉంది. వీరిద్దరు కలిసి నటించిన డాన్, రగడ, ఢమరుకం, ఊపిరి, సోగ్గాడే చిన్ని నాయనా వంటి సినిమాలు పెద్ద విజయాన్ని సాధించాయి.
వివరాలు
నాగార్జున 100వ చిత్రంలో అనుష్క
ఈ నేపథ్యంలోనే నాగార్జున 100వ చిత్రంలో అనుష్కను తీసుకున్నార‌నే వార్త‌ల‌తో అభిమానుల్లో ఉత్సాహం నెల‌కొంది. సోషల్ మీడియాలో "నాగార్జున - అనుష్క కాంబోతో హిట్ ఖాయం" వంటి కామెంట్లు కనిపిస్తున్నాయి. మేకర్స్ త్వరలో దీనిపై అధికారిక ప్రకటన చేస్తారని, ప్రాజెక్ట్ వివరాలు, ఇతర నటీనటుల జాబితా త్వరలో వెల్లడిస్తారని సమాచారం. అనుష్క శెట్టి క్రిష్ జాగర్లమూడి దర్శకత్వంలో 'ఘాటీ' చిత్రంలో నటించగా, ఆశించిన స్థాయిలో విజయం సాధించలేకపోయింది. ఈ నేపథ్యంలో, ఆమె ఫ్యాన్స్ నాగార్జున 100వ చిత్రంలో ఆమె నటన కోసం చాలా ఆసక్తిగా ఎదురు చూస్తున్నారు.