SSMB 29: మహేశ్ బాబు సరసన బాలీవుడ్ హీరోయిన్‌!
ఈ వార్తాకథనం ఏంటి
టాలీవుడ్ డైరెక్టర్ దిగ్గజం ఎస్.ఎస్ రాజమౌళి, సూపర్‌స్టార్ మహేష్ బాబు కాంబోలో 'SSMB 29' సినిమా రూపొందిస్తున్న సంగతి తెలిసిందే. ఇప్పటికే ప్రీ-ప్రొడక్షన్ పనులు శరవేగంగా జరుగుతున్నాయి. ఈ సినిమా ప్రారంభం కావడం మాత్రమే మిగిలింది. రాజమౌళి ఈ సినిమా హాలీవుడ్ సినిమాలను తలపించేలా ఉంటుందని ఇప్పటికే వెల్లడించారు. మహేశ్ బాబు సరసన బాలీవుడ్ బ్యూటీ ప్రియాంక చోప్రా నటించే అవకాశం ఉన్నట్లు ఇండస్ట్రీలో చర్చలు జరుగుతున్నాయి. ఈ సినిమా షూటింగ్ ఈ ఏడాది ఏప్రిల్ తరువాత ప్రారంభం కానుందని సమాచారం. ప్రస్తుతం, షూటింగ్ కోసం హైదరాబాద్ రామోజీ ఫిల్మ్‌సిటీ, నగర శివార్లలో భారీ సెట్లు సిద్ధమయ్యాయి.
Details
రెండు భాగాలుగా చిత్రీకరణ
మొదటి షెడ్యూల్ అక్కడే జరగనుంది. తర్వాతి షెడ్యూల్ విదేశాలలో జరగవచ్చని టాక్ ఉంది. ఈ సినిమా అధికారిక ప్రకటనకి సంబంధించిన గ్లింప్స్ ఇప్పటికే సిద్ధం అయ్యాయని, ఇతర నటీనటుల వివరాలను కూడా త్వరలో తెలియజేయనున్నట్లు చిత్రబృందం పేర్కొంది. అనవాయితీ ప్రకారం, త్వరలోనే ప్రెస్‌మీట్ కూడా నిర్వహించనున్నారని సమాచారం. వెయ్యికోట్ల బడ్జెట్‌తో, రెండు భాగాలుగా ఈ సినిమాను నిర్మాత కె.ఎల్.నారాయణ నిర్మిస్తున్నారు.